Жаңа ашылулар жолында: ШҚТУ-да Қазақстан-Неміс ғылым және білім апталығы басталды

⚜ Жаңа ашылулар жолында: ШҚТУ-да Қазақстан-Неміс ғылым және білім апталығы басталды Қазақстан мен Германия арасындағы ғылыми және білім беру салаларындағы ынтымақтастықты дамыту мақсатында Д. Серікбаев атындағы ШҚТУ–да "Ғылым және білім: Қазақстан мен Германияның серіктестігі" атты іс-шаралар сериясы басталды.

Аптаның елеулі оқиғасы - Қазақстан-Неміс ғылым және технологиялар институты (ҚНҒжТ) жобасының тұсаукесері. ШҚТУ мен Қазақстан-Неміс университетінің (ҚНУ) бастамасы бойынша жоба ШҚТУ базасында жұмыс істейтін болады. Институт елдер арасында тәжірибе мен білім алмасуға ықпал етіп, ғылым мен технологиялар саласындағы халықаралық ынтымақтастықтың орталығына айналмақ.

Қазақстан өндірісі үшін студенттерді бірлесіп оқыту туралы ойлану керек. Қазақстан жоғары оқу орындарын Германияның университеттерімен және ғылыми ұйымдарымен біріктірумен ҚНУ айналысады. ШҚТУ Германия мен Қазақстан жетекші университеттерінің бірлескен жұмыс алаңына айналмақ, -деп есептейді Қазақстан-Германия университетінің Президенті, профессор Волрад Роммель.

Сондай-ақ ШҚТУ Бранденбург Котбус-Зенфтенберг техникалық университетімен (Brandenburgische Technische Universität Cottbus – Senftenberg) серіктестікте магистранттарға арналған "Металлургия" жаңа екі дипломды бағдарламасын әзірледі. Бағдарлама студенттерге екі елдің жетекші техникалық университеттерінде білім алуға бірегей мүмкіндік береді. Апталық аясында ғылыми іс – шаралар жоспарланған - "Тау-кен металлургия саласының орнықты дамуының сын-қатерлері мен перспективалары" Workshop, металлургия саласын дамытудың негізгі бағыттарына, инновацияларға, орнықтылық пен цифрландыруға арналған Бранденбург техникалық университеті өкілдерінің қатысуымен дөңгелек үстел, сонымен қатар Қазақстандық, Американдық және Неміс ғалымдары үшін Шығыс Қазақстан табиғат аясында көшпелі тимбилдинг өтеді.

Біз Германиялық әріптестерімізбен ғылым және білім саласында ұзақ уақыт жұмыс істеп келеміз. Қазақстан-Германия ғылым және технологиялар институтының ашылуы биылға жоспарланған. Серіктестеріміз Германияның техникалық университеттерімен бірлескен жоба. Апталықта біздің еліміздің ғалымдары тау – кен, металлургия, инновациялық технологиялар және тұрақты даму саласындағы жобалар мен әзірлемелерді талқылау үшін бас қосады, - деп атап өтті ШҚТУ ректоры Сәуле Рахметуллина. Қазақ - Неміс ғылыми институтында ғылыми тәжірибелер, зерттеулер және білім беру жобалары жүргізілетін заманауи зертханалар мен ғылыми орталықтар жұмыс істейді.

Мысалы: геомеханиканы зерттеу, климаттың өзгеруі мен көміртегі ізін зерттеу, геологиялық барлау жұмыстарын геоақпараттық қамтамасыз ету, ұсыну инжинирингтік қызметтер және өндірістердегі қауіпсіздік жөніндегі білім беру бағдарламалары; озық технологияларды дамыту; геомеханика саласында зерттеулер жүргізу; металлургия және пайдалы қазбаларды байыту салалары; оқытушылардың, зерттеушілердің, магистранттар мен студенттердің ғылыми жобаларын қолдау.

Ғылым және білім апталығы Қазақстан мен Германиядағы ғылыми байланыстарды нығайтуға бағытталған және ғалымдар арасында білім, технология және озық тәжірибе алмасуға ықпал етеді.

Ақпарат көзі: Қазақстан Республикасы Ғылым және жоғары білім министрлігі