Елордадағы мемлекеттік білім беру нысандарына, яғни мектеп, колледж, балабақша ғимараттарының қауіпсіздігі мен биыл жүргізілген құрылыс жұмыстары, санитарлық жағдайлары тексеріліп жатыр, деп хабарлайды елорда әкімдігінің ресми сайты. 

Қазіргі уақытта білім беру нысандарының жаңа оқу жылына дайындығы 5 аудан әкімдіктері, Төтенше жағдай департаменті, Полиция департаменті, Санитариялық-эпидемиологиялық бақылау департаментінің және Білім басқармасы мамандары тарапынан тексерілуде.

Жалпы, тексеріс барлық білім беру нысандарын қабылдау бойынша санитарлық-эпидемиологиялық талаптарға және өрт қауіпсіздігі талаптарына, сондай-ақ спорт ғимараттарының қауіпсіздік талаптарына сәйкестігіне байланысты жүргізіледі.

Бұл жұмыстар алдағы 10 тамызға дейін аяқталуы тиіс. Комиссия жұмысының қорытындысы бойынша тиісті шаралар қабылданатын болады.

Ақпарат көзі: ГУ «Аппарат акима города Астана»