Облыс әкімінің өкімімен Ұзынкөл аудандық мәслихатының келісімі бойынша Марат Жұрқабаев Ұзынкөл ауданының әкімі болып тағайындалды.Марат Кенжебекұлы 1976 жылы Қостанай облысы Әулиекөл ауданында дүниеге келді.Арқалық педагогикалық институтын және З. Алдамжар атындағы Қостанай әлеуметтік-техникалық университетін есеп және аудит мамандығы бойынша бітірген.Еңбек жолын 1993 жылдан Арқалық қалалық Балалар мен жасөспірімдер спорт мектебіндебастады. 2010 жылға дейін Арқалық, Қостанай қалалары мен Қарабалық ауданында түрлі лауазымдарда жұмыс істеді.2010-2012 жылдары Қостанай қаласының әкімдігінде жұмыс істеді. Қостанай қаласы әкімінің орынбасары болды. Облыстық білім басқармасы басшысының орынбасары қызметін атқарды. Лисаков қаласы әкімінің орынбасары болып жұмыс істеді.Қостанай ауыл шаруашылығы колледжінің, одан кейін Қостанай индустриалдық-педагогикалық колледжінің директоры қызметін атқарды.Қостанай облысы әкімдігінің жастар саясаты мәселелері басқармасының басшысы.2021 жылдан осы уақытқа дейін Қостанай облысы әкімдігінің Қоғамдық даму басқармасының басшысы қызметін атқарады.

Ақпарат көзі: ГУ «Аппарат акима Костанайской области»