Ақмола облысының әкімі Марат Ахметжанов ескі үйдің орнында салынып жатқан көппәтерлі тұрғын үй кешенінің құрылыс барысымен танысты. Жоба тұрғын үйді жаңарту бағдарламасы бойынша жүзеге асырылуда.

Құрылыстың жалпы ауданы 3 084 шаршы метрді құрайды. 6 қабатты үйде лифт, шаруашылық қызметке арналған орын, балалар алаңы, автотұрақ, гараж кешені қарастырылған.

«TASU COMPANY» ЖШС бас директоры Хасан Мұсахаджиевтің айтуынша, жобаға 480 млн теңге инвестиция салынған, үй осы жылдың қазан айында тапсырылады. Айта кетейік, тұрғындар жаңа тұрғын үй құрылысын 10 жыл күтті.

«Жаңғырту бағдарламасы жергілікті құрылыс компанияларына өз бизнесін дамытуға және ірі қаржылық жобаларға қатысу үшін жақсы беделге ие болуға мүмкіндік береді», - деп атап өтті М.Ахметжанов.

Сондай-ақ, облыс әкімі биыл пайдалануға беруді жоспарлап отырған 400 орындық қалалық екі қабатты мәдениет үйінің құрылысын тексерді. Жаңа ғимаратта кино, көрме және дайындық залдары, хореография, вокал студиясы, үйірме жұмыстары үшін кабинеттер болады.

Өңір басшысы абаттандыру мен көгалдандыруды қоса алғанда, нысанды мерзімінде толық аяқтаудың маңыздылығын атап өтті. Жаңа мәдениет үйі Щучинск қаласының тұрғындары үшін мәдениет орталығына айналуы керек.

Көпфункционалды спорт сарайына барған облыс әкімі құрылыстың төмен қарқынын сынға алды.

«Авторемстрой ЛДТ» ЖШС өкілінің айтуынша, бөлімдерді монтаждау, сыртқы қабырғаларды қалау жұмыстары аяқталды. Қазір нысанда ішкі және сыртқы әрлеу жұмыстары жүргізілуде.

Спорт сарайында бассейн, гимназия, бокс, теннис, күрес және аэробика бөлмелері, сондай-ақ спорт залы бар. Сыйымдылығы —ауысымына 235 адам.

Ақпарат көзі: ГУ «Аппарат акима Акмолинской области»