Жамбыл өңірі жаз мезгілінде ыстық және құрғақ аумақтардың бірі болып табылады. Алайда  мұнда ыстық күндер жаз мезгілі басталмай-ақ,  ертерек келеді.  Сондықтан табиғи ортада құрғақ шөптің өртену жағдайлары мен өрттің одан әрі таралуы салдарынан  өрттің пайда болу ықтималдығы күн сайын артуда.

Алдын алу мақсатында жамбылдық құтқарушылар үнемі өрт қауіпсіздігі ережелерін сақтау жөнінде халық арасында рейдтік және түсіндіру іс-шараларын жүргізеді.

Тараз қаласының Төтенше жағдайлар басқармасы «Рассвет» массивінің және бірқатар қалалық көшелердің тұрғындарымен тұрмыста және табиғатта демалу кезінде өрттердің туындауына жол бермеу бойынша профилактикалық түсіндіру жұмыстарын жүргізді.   

Автокөліктегі дауыс зорайтқыш қондырғылар арқылы халыққа өрт қауіпсіздігі ережелері жеткізілді және алдын алу барысында 330-ға жуық үй қамтылып, жаднамалар таратылды.

Мұндай сипаттағы профилактикалық рейдтер демалыс күндері  облыстың барлық аудандарында жүргізілді.

Жамбыл облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан