ЖАС КӨШБАСШЫЛАР ESG ШЕШІМДЕРІМЕН БӨЛІСТІ

  Астанада климаттың өзгеруі бойынша жергілікті жастар конференциясы - LCOY Kazakhstan-2024 өтті. Жыл сайынғы конференцияда Қазақстанның түкпір-түкпірінен келген жас көшбасшылар, студенттер, зерттеушілер мен сарапшылар климаттың өзгеруі және тұрақты даму саласындағы мәселелерді шешуге қатысты өз көзқарастарымен бөлісті.

  NU Қазақстандағы SDSN – БҰҰ Тұрақты даму шешімдері желісінің ұлттық кеңсесі ретінде 25 қазақстандық университет пен ғылыми-зерттеу институттарды біріктіреді. NU провосы Адесида Илесанми өз сөзінде атап өткендей, NU тұрақтылық пен климаттық іс-әрекетке терең берілген.

  Конференция бағдарламасы климаттың өзгеруінің өзекті аспектілері бойынша бірқатар сессиялар мен пікірталастарды, аймақтағы су ресурстарына қатысты проблемалардың өсіп жатқанын ескере отырып, Қазақстан үшін әсіресе өзекті болып табылатын Орталық Азиядағы су қауіпсіздігі мәселелерін талқылауды қамтиды.

Ақпарат көзі: Қазақстан Республикасы Ғылым және жоғары білім министрлігі