Ұлытау облысының орталығындағы бірқатар басты көшенің жолын жөндеуде жаңа технология қолданылуда. Атап айтар болсақ, қоғамдық көлік пен жолаушылар, жаяу жүргіншілер көп қатынайтын аумақтарға қиыршық тас мастикалы асфальт жабындысы төселіп жатыр. Өңір басшысы Берік Әбдіғалиұлының жұмыс бабымен аралауы барысында аталған технология бойынша Жезқазғандағы негізгі 6 көше (Некрасов, Сейфуллин, Бейбітшілік, Омаров, Ғарышкерлер, Абай) қамтылатыны айтылды.

Қиыршық тас мастикалы асфальт жабындысы суға төзімділігімен ерекшеленеді. Қазіргі таңда Некрасов (Холмецкий мен Аманжолов көшелерінің аралығында), Бейбітшілік, Сейфуллин (Аманжоловтан Алашахан даңғылына дейін) көшелерінде аталған технология бойынша жұмыстар қарқынды. Омаров, Ғарышкерлер, Абай көшелерінде маусымның 20-сында басталуы тиіс.

Сондай-ақ облыс әкімі Темір жол көшесіндегі жолдың енін кеңейтіп асфальттау жұмыстарын бақылады. Орташа жөндеу жұмыстары бұл аумақта маусымның 15-і аяқталады. Өңір басшысы өз кезегінде Пушкин көшесінің бойын Холмецкий көшесімен қиятын тұсына дейін де орташа жөндеу жұмыстарымен қамтуды тапсырды.

Ақпарат көзі: Ұлытау облысының әкімдігі