Оның ішінде облыс орталығының бес айналма жолы да қамтылады. Ұлытау облысының әкімі Берік Әбдіғалиұлы қадағалауы барысында гүл егу жұмыстары мен абаттандыруда халық көп жүретін және ашық жатқан аумақты қамтуды, Сәтбаев көшесіндегі айналма жолдың монументіне жарықшам орнатуды тапсырды.

Қазіргі уақытта Гагарин көшесінде гүл егу жұмыстары аяқталу сатысында. Су жүргізілген.

Сәтбаев көшесінде гүлзар топырағын орналастыру жұмыстары атқарылды. Су тартылып жатыр. Келесі апта гүл егу жұмыстары басталады.

Алашахан көшесінің бойындағы айналма жолда құнарлы топырақ төсеу жұмыстары басталды.

Әуежайдан қалаға кіреберіс жолдағы айналма жолдың аумағында маусымның алтысына дейін тазалау, абаттандыру жұмыстары жүргізіледі. Аталған жұмыстардан кейін гүл егу басталады.

Абай көшесінде гүлзар орнату үшін конкурс жұмыстары аяқталды. Мамырдың 29-ында топырағын төсеу басталады.

Ақпарат көзі: Ұлытау облысының әкімдігі