ҚР Парламенті Мәжілісінде Жоғары аудиторлық палатаның мүшесі Үкіметтің Н.Нұржанов 2023 жылғы республикалық бюджеттің атқарылуы туралы есебіне қорытындыны ұсынды.

Үкіметтің деректері мен барлық мемлекеттік аудит және қаржылық бақылау органы жүргізген тексерулердің нәтижелеріне сәйкес тиімсіз пайдаланылған бюджет қаражатының сомасы 2022 жылмен салыстырғанда 16%-ға ұлғайып, 489 млрд теңгені құрады.

Бұдан бөлек, Жоғары аудиторлық палата республикалық бюджеттің атқарылуына жүргізілген кейінгі бағалау нәтижелері бойынша бюджет қаражатын тиімсіз жоспарлау және пайдалану, сондай-ақ 537 млрд теңгеге бюджеттік бағдарламаларды тиімсіз басқару орын алғанын анықтады.

Жалпы алғанда бюджет қаражатының жеткілікті жоғары игерілуіне қарамастан:

индикаторлар мен бюджет қаражаты арасындағы әлсіз өзара байланыс; нәтижелер көрсеткіштеріне елеулі түзетулер; бюджеттік бағдарламалар әкімшілерінің жүргізіп жатқан жұмыстарының нәтижелерге қол жеткізуге тиісті ықпалының болмауы және т.б. байқалады.

Талап етілетін шығыстардың кейбірінде (атап айтқанда, бюджеттік инвестициялық жобалар, субсидиялар) салынған қаражаттың экономикалық әсері белгіленбеген, бұл жүргізілген жұмыстың ауқымын бағалау мүмкіндік бермейді.

Бюджеттік инвестициялық жобаларды іске асыру кезінде де кемшіліктер анықталды. Атап айтқанда:

жобалау кезіндегі алдын ала талдаусапасының жеткілікті дәрежеде болмауы; ведомствоаралық өзара іс-қимылдың әлсіздігі; қаржыландырудың нақты өлшемшарттарының болмауы.

Бұл республикалық бюджеттен қаржыландыру көлемін бөлу кезінде тиімсіздік тәуекелдеріне әкеледі.

Ақпарат көзі: Қазақстан Республикасының Жоғары аудиторлық палатасы