Кездесуге Кеңес Төрағасы Д.Малахов, кеңес мүшесі Е. Бегалиев, Сот төрелігі академиясының вице-ректоры К. Мусин, Кеңес аппараты басшысының м. а. Л. Құрмантаева, Кеңес аппараты мен Сот төрелігі академиясының қызметкерлері қатысты. Кеңес мүшесі Ернар Бегалиев Сот төрелігі академиясымен бірлесіп әзірленген Академияны дамыту тұжырымдамасының жобасын, сондай-ақ оны іске асыру жоспарын ұсынды.

«Құжат Мемлекет басшысының Қазақстан Республикасы судьяларының IX съезінде судья кадрларын даярлауда жаңа тәсілдерді әзірлеу қажеттігі туралы айтқан тапсырмасын іске асыру шеңберінде әзірленді. Тұжырымдама жобасы Сот төрелігі академиясының мақсаттарын, міндеттерін және дамуының негізгі бағыттарын айқындайтын жаңа стратегиялық құжат болып табылады», - деп атап өтті Е.Бегалиев.

Кеңес Төрағасы Дмитрий Малахов Сот төрелігі академиясын одан әрі дамыту жөніндегі стратегиялық құжатты әзірлеу және қабылдау сот білімі жүйесін жетілдіру жөніндегі уақтылы және қажетті қадам болып табылатынын, өйткені судьялар корпусының кәсібилігі судьялыққа кандидаттарды даярлау сапасына байланысты екенін атап өтті.

Ақпарат көзі: Қазақстан Республикасы Жоғары Сот Кеңесі