Жыл сайын қазан-сәуір айларында республикада ЖРВИ және тұмаумен сырқаттанушылықтың маусымдық өсуі тіркеледі. Эпидемияға қарсы жедел шаралар қабылдау мақсатында Қазақстан Республикасы халқының жіті респираторлық вирустық инфекциялармен және тұмаумен аурушаңдығының жай-күйіне және тұмау вирусының таралыуына мониторинг жүргізіледі.

Тұмауға қарсы вакциналардың штаммдық құрамына енгізілген А/ H1N1pdm09, H3N2 типті тұмау вирустарының және В тұмау вирусының таралуы күтілуде.

Тұмау кенеттен басталып, температураның күрт көтерілуімен қатар жүреді. Ағзаның айқын интоксикациясы пайда болады, қалтырау, адинамия, бұлшық ет және бас аурулары, бүкіл дененің ауыруы, кеуде қуысынан кейін ауыратын құрғақ жөтел секілді белгілері байқалады.

Тұмау мен ЖРВИ-дің алдын алудың негізгі мынадай шараларын есте сақтау керек: ауру адамдармен қарым-қатынасты шектеу; адам көп жиналатын орындарға бармау; жөтелгенде немесе түшкіргенде ауыз бен мұрынды майлықпен жабыңыз; бөлмені үнемі желдетіңіз, жиі ылғалды тазалауды жүргізіңіз; иммунокоррекциялық препараттарды, мультивитаминдерді қолданыңыз, қолыңызды мұқият жуыңыз, қолыңызды ылғалды гигиенамен және дезинфекциялық құралдармен үнемі өңдеңіз.

Халықты тұмауға қарсы вакциналау үшін «ГРИППОЛ +» (Ресей өндірісі)  вакцинаның 2 207 752 дозасы сатып алынды, бұл халықтың 11%-ын, ДДҰ  халықтың кемінде 10%-ын вакцинациялауды ұсынған боалтын. Вакцинада алдағы маусымға қарсы штаммдар бар.

Республикада тұмауға қарсы 145 519 адам егілді, вакцинация жалғасуда.

Дереккөз: ҚР Денсаулық сақтау министрлігінің Санитарлық-эпидемиологиялық бақылау комитетінің ресми сайты

Тұмау және ЖРВИ-мен сырқаттанушылық бойынша эпидемиологиялық жағдай (www.gov.kz)

Ақпарат көзі: Жетісу облысының әкімдігі