Астанада ұйымдастырылып жатқан 5-ші Дүниежүзілік көшпенділер ойындарын тамашалауға келген шетел азаматтары аз емес. Солардың ішінде Иран Републикасы елшілігінен делегация тобы елордадағы № 91 мектеп-гимназиясына арнайы барып, мектеп оқушыларын жаңа оқу жылымен құттықтады, деп хабарлайды қалалық әкімдіктің ресми сайты. Далегация құрамында Иран Республикасы елшілігінің мәдени істер жөніндегі кеңесшісі Али Акбар Талеби Матин болды.

Айта кетейік, аталған білім ордасы мен делегация арасында екі жылдан бері дипломатиялық жоба бойынша ынтымақтастық меморандумы бар.

Мектеп директоры Алмагүл Тілектесқызы меймандарға білім ошағында атқарылып жатқан жұмыстарды таныстырды. Оқушылар шетелдік қонақтар алдында өз өнерлерін паш етті.

Кездесуде 5-ші Дүниежүзілік көшпенділер ойындарының маңыздылығы да айтылды.

Жиын соңында Иранның мәдени өкілі ұлттық фольклорлық аспаптарында өнер көрсетті.

Ақпарат көзі: ГУ «Аппарат акима города Астана»