Әсет Өтегенұлы Оралбаев Ақтөбе облысы әкімі аппараты басшысының орынбасары лауазымына тағайындалды. 

Ол 1982 жылы Алматы қаласында дүниеге келген, білімі жоғары: 2004 жылы – Л.Н.Гумилев атындағы Еуразия ұлттық университетін «Мемлекеттік басқару», 2006 жылы – Т.Рысқұлов  атындағы Қазақ экономикалық университетін «Экономика» мамандықтары бойынша бітірген.

Еңбек жолын 2004 жылы Қазақстан Республикасы Президентінің телерадиокешенінің менеджері болып бастаған.

2005 – 2024 жж. Қазақстан Республикасының арнайы мемлекеттік органдарында; бизнес субъектілерінің басшылық лауазымдарында жұмыс істеген.

2024 жылдың қаңтар айынан бастап «Қазақстан инжиниринг» ұлттық компаниясы» акционерлік қоғамының басқарма төрағасының кеңесшісі және «С.М.Киров атындағы Машина жасау зауыты» акционерлік қоғамының директорлар кеңесінің төрағасы қызметтерін атқарып келген. 

Ақпарат көзі: ГУ «Акимат Актюбинской области»