Жалпы, 784,4 мың га жер өңделеді. Бұл туралы  шегіртке зиянкестеріне қарсы алдын-алу іс-шаралары туралы облыс әкімінің орынбасары Асылбек Есенбаевтың қатысуымен өткен жиында айтылды.

15 мамырдан бастап Ойыл ауданында шегірткеге қарсы химиялық өңдеу басталған. Қазіргі уақытта 510 га жер үсті желдеткіш-бүріккіштермен өңделді. Өткізілген конкурстың қорытындысы бойынша «Ақтөбе-Құнарлылық» ЖШС жеңімпаз болып анықталды.

Дәрі жер бетіне ғана емес, сонымен қатар әуеден де себіледі.

Фитосанитариялық жағдайды жақсарту және саяқ шегірткелерге қарсы күрес жұмыстарын ұйымдастыру мақсатында биылғы жылға облыстық бюджеттен 304,5 млн. теңге бөлінді. Қазірдің өзінде 55,3 мың литр дәрі сатып алынды. Олар облыстың барлық қала, аудандарына таратылды.

Жалпы шегіртке тектес зиянкестерге қарсы күрес жұмыстарын ұйымдастыру мәселесін облыстық және аудандық штабтар бақылайды.

Ақпарат көзі: ГУ «Акимат Актюбинской области»