Қазақстан Республикасы Қаржы министрлігі ағымдағы жылдың 1 қыркүйегінен бастап мемлекеттік бағалы қағаздар нарығында бастапқы дилерлер институтын енгізу рәсімдердің басталуы туралы хабарлайды. Аталған рәсімдер бастапқы дилерлер тізімін анықтауды, жүйенің жұмыс форматын айқындауды және қажетті құжаттарды әзірлеуді қамтиды.

Бастапқы дилерлер институты мемлекеттік бағалы қағаздар нарығының тұрақтылығы мен тиімділігін қамтамасыз етуге бағытталған негізгі функцияларды атқарады. Бастапқы дилерлердің міндеттері мемлекеттік бағалы қағаздарды сатудың алғашқы аукциондарына белсенді қатысудан бастап, екінші нарықтың өтімділігін қолдауға дейінгі кең ауқымды қызметті қамтиды.

Ең маңызды мақсаттардың бірі - республикалық бюджетті қаржыландырудың тұрақты негізін құру, инвесторлардың мемлекеттік бағалы қағаздарды еркін сатып алуы мен сатуын қамтамасыз ету, сондай-ақ екінші нарықтың транспаренттілігі мен өтімділігін арттыру болып табылады.

Сонымен қатар, бастапқы дилерлер институты енгізу мемлекеттік бағалы қағаздардың ішкі нарығының дамуын айтарлықтай жеделдетеді, сауда ортасын барынша серпінді және өтімді етеді. Бұл шаралар инвесторлардың сенімін нығайтуға мүмкіндік беріп, мемлекеттік бағалы қағаздардың ішкі нарығының тұрақты өсуі мен дамуына алып келеді.

Ақпарат көзі: Министерство финансов Республики Казахстан