«Балаларды суда қорғаңыздар!» республикалық акциясы аясында Абай облысының ТЖД қызметкерлері «Заря» қалалық жағажайында профилактикалық жұмыстар жүргізді. Акцияның мақсаты – судағы жазатайым оқиғалардың және балалардың суға  батуының алдын-алу.

Іс-шара барысында демалушыларға судағы қауіпсіздік ережелері туралы жеткізіліп, суға батқан адамға алғашқы көмек көрсетудің практикалық дағдылары көрсетілді, сондай-ақ, құтқарушылар азаматтарды құтқару құралдарымен және оларды пайдалану тәсілдерімен таныстырды.

Сонымен қатар, облыс аумағында шомылу маусымы басталғалы бері күн сайын күндізгі және түнгі уақытта дауысты құрылғысы бар пилотсыз ұшу аппаратын тарта отырып, рейдтік іс-шаралар жүргізіліп жатқаны аталып өтті, ол аппарат арқылы судағы іс-әрекет ережелері түсіндіріледі, сонымен қатар ережелерді бұзған азаматтар әкімшілік жауапкершілікке тартылатыны жайлы ескертіледі.

Алайда, атқарылатын іс-шараларға қарамастан, шомылу кезеңі басталғалы бері 11 адам суға батып кетті, оның ішінде 3 бала және де 24 адам құтқарылды.

ТЖД облыстың тұрғындары мен қонақтарынан судағы қауіпсіздік ережелерін сақтауды сұрайды: балаларды қараусыз қалдырмаңыз, мас күйде шомылуға болмайды, тек рұқсат етілген және жабдықталған жерлерде шомылыңыз.

 Абай облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан