Соңғы күндері Бесқарағай ауданында өрт қауіптілігінің төртінші дәрежесінің сақталуына байланысты Абай облысының ТЖД бастығының орынбасары Алексей Штыкель «Қазавиаорманқорғау» РМҚК Бөкебай авиациялық бөлімшесінің басшысы және ТЖ аумақтық бөлімінің бастығымен «Семей Орманы» мемлекеттік орман табиғи резерватының Бөкебай орманшылығында бірлескен рейдтік ұшуды өткізді.

Аэровизуалдық ұшу «Қазавиаорманқорғау» РМҚК «МИ-2» тікұшағында жүзеге асырылды, ұшудың мақсаты – жылу нүктелерінің және ықтимал өрттердің таралуына ықпал ететін басқа да факторлардың пайда болуы туралы уақтылы анықтау және хабарлау болып табылады.

Аэровизуалды ұшу нәтижелері бойынша «Семей Орманы» МОТР  қызметкерлерімен кездесу өткізілді, онда орман өрттерінің шығу және дала өрттерінің орман өрттеріне ұласу қауіпі жайлы талқыланды.

Абай облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан