Абай облысының әкімі Нұрлан Ұранхаев жұмыс сапарымен Жарма ауданына келіп, Қалбатау ауылының Мәдениет үйінде аудан тұрғындарымен кездесті. Халықпен кездесу барысында тұрғындар өздерін көкейкесті сұрақтарын қоя алды. Оның ішінде - заңсыз қазба мәселелері қолға алу, жол жөндеу, су мәселелері.

Нұрлан Ұранхаев - Абай облысының әкімі

- Аудандағы тау-кен өндіру және өңдеу саласымен айналысатын «Горняк», «Асар Инвест», «Сарытас», «Бақыршық тау-кен өндіру өнеркәсібі», жауапкершілігі шектеулі серіктестіктерін атап өткен орынды.Кәсіпкерлікті дамыту бағытында да оң өзгерістер бар. Бүгінгі таңда жұмыс істеп тұрған шағын және орта бизнес субъектілерінің саны– 46 683 болса, оның 2233-і Жарма ауданының аумағында орналасқан.

- Ел Президенті ауылдағы жағдайды жақсартуға аса мән беріп, оны дамытудың 5 жылдық жоспарын әзірлеуді тапсырды.Осы саладағы қордаланған мәселелерді шешіп, өңірдің бәсекеге қабілетін арттыратын болсақ, өзімізді де, өзге өңірлерді де ауыл шаруашылық өнімдерімен қамтамасыз етуге толық мүмкіндігіміз бар.

- Қазіргі таңда, ауыл шаруашылығының жалпы өнім көлемі, өткен жылмен салыстырғанда,14,1 %-ға, яғни 325 млрд.теңгеден 371млрд. теңгеге дейін өскен.Ауданның үлесі –8,8 %. Мал басының өсімі, ет,сүт, жұмыртқа өндіру көрсеткіші біршама артып келеді.Денсаулық сақтау, білім беру саласы – мемлекеттің әлеуметтік саясатындағы ең маңызды бағыттардың бірі.Халықтың жоғары медициналық қызметпен қамтамасыз етілуі, жас ұрпақтың лайықты білім алуы – біздің басты міндетіміз.

- Ауылдық денсаулық сақтауды жаңғырту» пилоттық жобасы аясында, медициналық қызметтердің сапасы мен қолжетімділігін одан әрі жақсарту үшін Көкпекті ауданында, Жарма, Қаратөбе, Жарық, Қапанбұлақ, Сұлусары, Салқынтөбе, Белтерек, Жайма, Көшек, Ұзынжал ауылдарында 3 фельдшерлік және 7 медициналық пункт ашу жоспарланған.

- Өкінішке қарай, облыста оқушыларға орын жетіспейді. Орын тапшылығы – 8 мыңнан аса орын. Осы мәселені шешу мақсатында 5 мың 700 орынға арналған 11 мектеп салу жоспарлануда. Оның біреуі, 300 орындық, Қалбатау ауылында салынады. Ағымдағы жылы облысымызда 1700 орындық 4 жаңа мектеп іске қосылды.

Жарма ауданында тұрғындарымен кездесуінде айтылды.

Айта кетейік, Жарма ауданы Абай облысының орталық бөлігінде орналасқан.Ауданның әкімшілік орталығы-Қалбатау ауылы (халқы 9,7 мың адам).

Ауданның негізгі мамандануы ауыл шаруашылығын, оның ішінде етті мал шаруашылығын дамыту болып табылады. Ауыл шаруашылығы өнімінің үлесіне өндірілген өнімнің жалпы көлемінің 10,5% келеді.

Ауыл шаруашылығының жалпы өнімінің құрылымында 75-80% құрайтын мал шаруашылығы өнімдері басым.

Жарма ауданы «Байыс» және қазақтың ақбас ірі қара малының қойларының отаны болып табылады. Ауданда ауыл шаруашылығын дамытуда «Шалабай» және «Қалбатау асыл тұқымды мал зауыты» ЖШС ерекше рөл атқарады, олар ірі қара мал өсірумен және сатумен, дәнді және дәнді-бұршақты, майлы дақылдарды, соның ішінде тұқым шаруашылығын өсірумен айналысады.

Өнеркәсіп өнімінің үлесіне өндірілген өнімнің жалпы көлемінің 72,8% - ы келеді. Өнеркәсіптің негізгі салалары тау-кен және өңдеу секторлары болып табылады.

Ақпарат көзі: Абай облысының әкімдігі