Мүгедек қыздың қамқоршысы Адам құқықтары жөніндегі уәкілдің Абай облысындағы өкілі Д.Жұмагелдинге оңалтуға көмек сұрап жүгінді. Адам құқықтары жөніндегі уәкіл өкілінің өтініші негізінде Абай облыстық Психикалық денсаулық орталығының мамандары Еңбек және халықты әлеуметтік қорғау комитетінің облыстық департаментіне қарасты Медициналық-әлеуметтік сараптама басқармасына (МДБ) оңалту бағдарламасы аясында жеке тұлғаны дамыту үшін құжаттарын жолдады. Экстерриториялық МӘС сарапшылары оңалту орталығына бару үшін түзетулер жүргізді және ЖРБ әзірледі.

Сондай-ақ, Адам құқықтары жөніндегі уәкілдің өкілі Семей қаласының жұмыспен қамту және әлеуметтік бағдарламалар бөліміне науқасты Абай облысы бойынша мүгедектерді оңалту және сауықтыру орталығының жағдайында арнаулы әлеуметтік қызмет алуға жәрдемдесу туралы өтініш жолдады. Қарау қорытындысы негізінде оған аталған орталыққа жолдама беру туралы әкімдік оң қаулы қабылдады.

Қазіргі уақытта мүмкіндігі шектеулі қыз Абай аудандық мүгедектерді оңалту және сауықтыру орталығындағы жартылай стационарлық бөлімшеде ем-дом курсынан өтіп жатыр. Осылайша, уәкілетті мемлекеттік органдармен бірлесе отырып, мүгедектердің құқықтары қалпына келтірілді.

Ақпарат көзі: Қазақстан Республикасындағы Адам құқықтары жөніндегі уәкіл