Қаржы нарығын реттеу және дамыту агенттігінің (бұдан әрі –Агенттік) Төрағаның орынбасары Олжас Қизатов бастаған делегациясы ЕАЭО-ға мүше мемлекеттердің орталық (ұлттық) банктерінің валюталық саясат жөніндегі консультациялық кеңесінің кезекті отырысына қатысты. Кездесу Арменияның Ереван қаласында өтті.

Іс-шараға Армения, Беларусь, Қазақстан, Қырғызстан, Ресей, Өзбекстанның орталық банктері мен қаржы реттеушілерінің өкілдері қатысты.

Кездесуге қатысушылар ЕАЭО елдеріндегі ағымдағы экономикалық жағдайды, инфляцияны қалыптастыру және экономикалық белсенділікті дамыту серпіні мен факторларын талқылады, сондай-ақ ең төменгі резервтік талаптар тетігін пайдалану, оның ішінде оларды әр түрлі елдерде қолдану ерекшеліктері туралы пікір алмасты.

Сонымен бірге Консультациялық кеңестің мүшелері жылжымайтын мүлік нарығын дамыту мәселелерін және ипотекалық кредит беру үрдістерін қарастырып, оның қаржылық тұрақтылыққа әсерін атап өтті.

ЕАЭО-ға мүше мемлекеттердің орталық (ұлттық) банктерінің валюталық саясат жөніндегі консультациялық кеңесінің кезекті 28-ші отырысы 2025 жылғы бірінші жартыжылдықта Бішкек қаласында өтеді.

Консультациялық кеңес Еуразиялық экономикалық одаққа мүше мемлекеттердің орталық (ұлттық) банктерінің консультативтік-кеңесші органы болып табылады, оның негізгі мақсаты валюталық саясатты үйлестіру, оның ішінде өзара есептеулерде ұлттық валюталардың пайдаланылуын кеңейтуді қамтамасыз ету үшін бірыңғай тәсілдер мен бағыттарды әзірлеу болып табылады.

Сыртқы коммуникациялар Басқармасы

 press@finreg.kz

Ақпарат көзі: Қазақстан Республикасының Қаржы нарығын реттеу және дамыту агенттігі