Алматыда күзгі кезеңде отандық фильмдердің ашық аспан астындағы тегін көрсетілімдері жалғасады.

Жыл сайын жаз маусымында қала еріктілері Жастар саясаты басқармасының қолдауымен фильмдер көрсетілімдерін ұйымдастырады. Бұл отбасымен қызықты уақыт өткізуге және отандық киноиндустриямен жақынырақ танысуға тамаша мүмкіндік.

Биыл көрсетілімдерге «Ұлттық киноны қолдау мемлекеттік орталығы» АҚ қолдау көрсетіп, қазақстандық режиссерлердің фильмдерін тегін ұсынды. Сонымен қатар, кішкентай көрермендер үшін сүйікті балалар мультфильмдерінің көрсетілімдері ұйымдастырылды. Барлығы 10 000-нан астам адамға 50-ден астам көрсетілім өткізілді.

Фильмдердің апта сайынғы көрсетілімдері қаланың 8 ауданында өтеді және ауа райы ашық болғанша жалғасады.

Фильмдердің кестесін ауданыңыздағы комьюнити-орталықтан https://www.instagram.com/birgemiz.almaty парақшасынан немесе Call-орталықтың +7 747 821 6478 нөмірі арқылы білуге болады.

Ақпарат көзі: КГУ «Аппарат акима города Алматы»