Шараны ұйымдастырушылар – Қазақстан Республикасы Ішкі істер министрлігі, М.Есболатов атындағы Алматы академиясы, Алматы полиция департаменті, сондай-ақ “Орталық Азияда зорлық-зомбылық экстремизмнің алдын алу” жобасы аясында Неміс қоғамының өкілдері ұйымдастырушылар қатарынан табылды.

Форумның басты мақсаты – полицияның жастармен диалог құруы және құқық бұзушылықтың алдын алу бойынша тығыз ынтымақтастықты орнату, қоғамдық қауіпсіздікті қамтамасыз ету, сондай-ақ жастар арасында белсенді азаматтық ұстанымды және патриоттық сезімді дамыту.

Жастар форумына 16 мен 20 жас аралығындағы жастар қатысты. Олар “Полициядағы бір күн” жобасының қатысушылары, жоғары оқу орындарының студенттері, Қазақстан халқы Ассамблеясы жастар қанатының өкілдері, еліміздің әр өңірінен келген еріктілер мен белсенділер және т.б.

Форум аясында сыни ойлауды дамыту, эмоционалдық интеллект, киберқауіпсіздік, медиа сауаттылық, командалық жұмыс және т.б. салаларда мотивациялық және мамандандырылған тренингтер сериясын өткізу жоспарланып отыр.

Сонымен қатар іс-шараның негізгі блогы – полиция қызметінің моделі және “Қолжетімді полиция” тұжырымдамасын жүзеге асыру аясында жастарды полиция қызметінің қызметімен таныстыруға арналған.

Қатысушылар криминалистикалық, тактикалық және кибер полигондарында тренингтен өтеді, онда олар жеке қызметтердің, оның ішінде арнайы жасақтардың ерекшеліктері туралы білім мен дағдыларға ие болады. Сондай-ақ форумды ұйымдастырушылардың айтуынша, жастар өзін-өзі қорғау және зардап шеккендерге алғашқы медициналық көмек көрсету бойынша практикалық дағдыларды, сондай-ақ GIZ “Спортты даму үшін” халықаралық бағдарламасы бойынша дағдыларды алады.

Қатысушылар үшін ішкі істер органдарындағы қару-жарақ пен арнайы техникалық құралдардың көрмесі ұйымдастырылады.

Ақпарат көзі: Министерство внутренних дел Республики Казахстан