2024-2025 жылдардағы жылыту маусымына дайындық бойынша жөндеу жұмыстарының орындалуына мониторинг жүргізу шеңберінде Комитеттің аумақтық департаментінің қызметкерлері "Алатау Жарық Компаниясы" АҚ күрделі жөндеулер жүргізіліп жатқан нысандарына тексеріс жүргізді.

Мониторинг барысында Департамент қызметкерлері жөндеу науқанының өтуімен танысты. Энергетикалық кәсіпорын басшылығымен алдағы жылыту маусымына дайындық мәселелері талқыланды.

Ағымдағы жылы Алматы облысы бойынша "Алатау Жарық Компаниясы" АҚ 123 км.электр беру желілерін, 7 қосалқы станцияны, 124 трансформаторды және 75 тарату пунктін күрделі жөндеуді жоспарлады. Жұмыстар кестеге сәйкес жүргізілуде.

Жөндеу жұмыстарымен айналысатын "Алатау Жарық Компаниясы" АҚ бригадалары автокөлікпен, арнайы техникамен және механизмдермен толық жабдықталған. Қызметкерлер арнайы киіммен және жеке қорғаныс құралдарымен жабдықталған. Жұмысқа тартылған персоналдың саны 234 адамды, 44 техниканы құрайды.

Ақпарат көзі: Министерство энергетики Республики Казахстан