2 тамызда Алматы қаласы Төтенше жағдайлар департаментінде, ТЖМ Кадр және тәрбие жұмысы департаменті жеке құрам инспекциясы басқармасының бас маманы О.М. Меңдібаеваның қатысуымен Алматы қаласы Прокуратурасының қоғамдық мүдделерді қорғау басқармасының прокуроры С.Қ. Қалдыбайдың қатысуымен жеке құрам арасында тәртіп жағдайы және сыбайлас жемқорлыққа қарсы іс-қимыл мәселелері бойынша кеңес өткізілді.

Азаматтық қорғау полковнигі О.М. Меңдібаева «2024 жылдың І жарты- жылдығындағы азаматтық қорғау органдарындағы тәртіп пен заңдылықтың жай-күйі туралы», әділет капитаны С.Қ. Қалдыбай «Сыбайлас жемқорлыққа қарсы іс-қимылдың кейбір мәселелері туралы» өз баяндамасында жеке құрамның тәртіпті, заңдылықты және сыбайлас жемқорлыққа қарсы заңнаманы сақтағаны үшін бірінші басшылардың дербес жауапкершілігі туралы еске салды. Жеке құрам арасында құқық бұзушылықтардың алдын алу және сыбайлас жемқорлыққа қарсы заңнама талаптарын мүлтіксіз сақтау бойынша түсіндіру жұмыстары жүргізілді.

Кеңес қорытындысы бойынша Департаменттің жеке құрамына жеке-тәрбие жұмысын тиісінше ұйымдастыру, қызметте де, қызмет өткеруден бос уақытта да Этикалық кодекс нормаларының талаптары мен шектеулерін сақтау туралы ескертілді.

Алматы қ ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан