Бүгін Қазақстанда аналар күні – отбасы институтын нығайтуға және ана мәртебесін көтеруге арналған мереке.

Ана мен баланы қолдау – Мемлекет басшысы өз сөзінде бірнеше рет атап өткен мемлекеттік саясаттың басым бағыттарының бірі.

Сол себептен де Ана мен бала институты медицинадан бастап, жұмыс істейтін аналарды қолдауға дейінгі барлық деңгейде жұмыс істейді. Атап айтқанда, бала күтімі бойынша әлеуметтік төлемдер тағайындалып, қажет болған жағдайда қашықтан жұмыс істеуге мүмкіндік беріліп, жалғызбасты аналарға арналған дағдарыс орталықтары құрылуда.

Әйелдерді, нақтырақ айтқанда, аналарды қолдау үшін Қазақстанда гендерлік, отбасылық және демографиялық саясаттың кешенді институционалдық жүйесі қалыптасты, олардың еңбек және әлеуметтік құқықтарын қорғайтын байыпты құқықтық база құрылды.

«Күміс алқа» және «Алтын алқа» арнайы наградаларымен марапатталған көп балалы аналарға мемлекет тарапынан ерекше құрмет пен қолдау көрсетілуде.

Сонымен қатар, бүгінде әйелдер мен балаларды тұрмыстық зорлық-зомбылықтан қорғау бағытында ауқымды шаралар атқарылуда. Соның негізгісі, әйелдер мен балалардың құқықтарын қорғау туралы заң қабылданды.

Осы мүмкіндікті пайдалана отырып, мен барлық аналарды төл мерекемен құттықтаймын және нәзік жандарымыздың біздің өмірімізге әкелген шексіз махаббаты мен шыдамдылығы үшін айрықша алғысымды білдіргім келеді. Сіздердің керемет күштеріңіз бізді шабыттандырады!

Құрметпен,

Қазақстан Республикасындағы Адам құқықтары жөніндегі уәкіл

Артур Ластаев

Ақпарат көзі: Қазақстан Республикасындағы Адам құқықтары жөніндегі уәкіл