Агенттіктің бастамасы бойынша БҰҰ-ның Есірткі және қылмыс жөніндегі басқармасымен, сондай-ақ Қазақстан Республикасының Бас прокуратурасымен бірлесіп Орталық Азияда жемқорлыққа қарсы құқық қорғау органдарының жаһандық жедел желісінің (GlobE) өңірлік кеңсесін құру бойынша сарапшылардың халықаралық кеңесі ұйымдастырылды.

Агенттік Төрағасы Асхат Жұмағали қатысушыларды Қазақстанның жемқорлыққа қарсы саясатының негізгі басымдықтарымен таныстырып, сондай-ақ GlobE Network даму перспективаларын кеңейтуге желі қатысушыларының ұмтылыстарын қолдады.

Конференцияға БҰҰ ЕҚЖБ Орталық Азиядағы өңірлік өкілі Ашита Миттал ханым, GlobE желісінің үйлестірушісі Розица Захариева ханым, Қазақстан Республикасы Бас прокурорының орынбасары Ғабит Садырбеков және ЕҚЫҰ өкілі Иван Калабуиг мырза қатысты.

Кеңес шеңберінде іздеу, қылмыстық-құқықтық ынтымақтастық, жемқорлыққа қарсы іс-қимыл, ақшаны жылыстату және активтердің қайтарылуын қамтамасыз ету үшін өңірдің уәкілетті органдары арасында ақпарат алмасу сияқты GlobE Network ресурстарын пайдалану арқылы ынтымақтастықты кеңейту мәселелері қаралды.

Кездесу барысында қатысушылар жемқорлық қылмыстарды тергеудің озық халықаралық және ұлттық тәжірибесімен бөлісіп, жемқорлық пен оның барлық қоғамдық және құқықтық институттардың жұмыс істеуіне кері әсерін тигізетін проблемалар мен қатерлерді талқылады.

Қазіргі уақытта 116 елдің 206 ведомствоның өкілдері GlobE желісінің қатысушылары болып табылады.

______ Егер Сіз жемқорлық фактілеріне тап болсаңыз, @antikorkz_bot Telegram-боты немесе 1424 нөмірі арқылы шұғыл хабарлаңыз.

Ақпарат көзі: Агентство Республики Казахстан по противодействию коррупции