Сыбайлас жемқорлыққа қарсы іс-қимыл агенттігі және оның аумақтық департаменттері заңдылық пен тәртіпті қамтамасыз ету мақсатында туризм саласындағы жемқорлық тәуекелдеріне сыртқы талдауды бастады.

Талдау Туризм және спорт министрлігі Туризм индустриясы комитетінің, оның ведомстволық бағынысты ұйымдарының, «Kazakh Tourism» Ұлттық компаниясы» АҚ мен жергілікті атқарушы органдардың қызметін қамтиды.

Ұлттық туристік өнімді қалыптастыру және оны халықаралық және ішкі нарықта ілгерілету, туристік қызмет саласында мемлекеттік бақылауды жүзеге асыру, бюджетті жоспарлау және игеру, туристік саланы субсидиялау және бюджеттік кредиттеу мәселелерін зерделеу жоспарлануда.

Агенттіктің аумақтық департаменттерінің қызметкерлерінен басқа, талдауға мүдделі мемлекеттік органдардың сарапшылары мен азаматтық қоғам өкілдері тартылады.

Сыбайлас жемқорлық тәуекелдері туралы ақпарат немесе осы саланы жетілдіру бойынша ұсыныстар болған жағдайда, электрондық поштаға жіберулеріңізді сұраймыз turehanova.a@antikor.gov.kz.

ТЕЛЕАРНАЛАР ҮШІН ВИДЕО: https://disk.yandex.kz/d/MiG0r-1puuIOFQ_ ❗️Егер Сіз жемқорлық фактілеріне тап болсаңыз, 1424 нөмірі арқылы немесе @antikorkz_bot Telegram-боты шұғыл хабарлаңыз.

Ақпарат көзі: Агентство Республики Казахстан по противодействию коррупции