Ақтөбеде Тілеу батыр көшесі, 13 мекенжайындағы апатты үйді сүріп тастау жоспарлануда. Оның орнына апатты үйдің тұрғындары қоныстанатын жаңа бес қабатты ғимарат салынады. Жоба бойынша үйдің 5 қабаттан тұратын 3 подъезі болады. 52 пәтерден тұратын үйдегі пәтерлер ауданы шамамен кем дегенде 30 - 32 шаршы метрден басталады. Қазіргі уақытта құрылыс салушы компания - "Хиба-Наз" ЖШС құрылысқа жер учаскесін дайындауда.

5 жыл бұрын апатты деп танылған үй 1955 жылы салынған. Енді 70 жылғы тарихы бар үй тұрғындарының проблемасы өз шешімін тапты. Қоныс тойын күткен тұрғындар жалдамалы пәтерлерде және саяжайларда тұрып жатыр.

«Біз қала әкімдігіне біздің проблемамызға араласып, оң шешімін табуға көмектескендері үшін ризамыз. Қазір көпшілігіміз жалдамалы пәтерлерде, одан қалды саяжайларда тұрып жатырмыз. Барлығының балалары бар, біздің арамызда мүгедектер, көп балалы отбасылар бар. Мен ПИК төрағасы ретінде көршілеріме "Отбасы банкінде" шот ашу туралы кеңес бердім. Өйткені, біз келесі жылы жаңа үй дайын болған кезде бұрынғыдан гөрі кеңірек пәтер алғымыз келеді. Артық шаршы метрлер үшін құрылыс салушыға қосымша ақы төлейміз. Мысалы, бір бөлмелі пәтердің иесі екі бөлмелі пәтерде тұрғысы келсе, қалғанын несиеге ала алады. Барлық тұрғындарға мұндай ұсыныс ұнады", - деді Сағынбай Қуанышев.

Үйді бұзғаннан кейін құрылыс салушы бес қабатты үш подъезді тұрғын үй салуды бастайды. Құрылыстың басталуы биылғы жылдың үшінші тоқсанына жоспарланған. Ал аяқтау 2025 жылдың үшінші тоқсанының соңында жоспарлануда. Яғни, бір жылда салынбақ.

"Бұл үйде 50-ден астам пәтер болады. Оның ішінде 35 пәтерді апаттық үйдің пәтер иелеріне тегін береміз. Құрылыс алаңы 1300 шаршы метр. Егер қабат бойынша есептесек, онда 4 мың шаршы метрден астам", - деп нақтылады "Хиба-Наз" ЖШС директоры Еламан Шектібаев.

Ақпарат көзі: ГУ «Аппарат акима города Актобе»