Парижде әскери спортшылар сәтті өнер көрсетіп жатыр. ҚР Қорғаныс министрлігі Орталық спорт клубының өкілдері қазақстандық олимпиадашылардың медальдық есебін ашты.

Жексенбілік олимпиада күнінде ОСК нұсқаушы-спортшысы, аға лейтенант Ғұсман Қырғызбаев дзюдодан өткен жекпе-жекте өнер көрсетіп, қазақстандықтардың жүрегіне үміт ұялатты. 66 келіге дейінгі салмақ дәрежесінде елдің атынан шыққан армия балуаны жекпе-жекті жеңіспен бастады. Ол испаниялық  Давид Гарсия Торнеден алты жарым минутта басым түсті.

Ширек финалдық кездесуде аға лейтенант Ғұсман Қырғызбаев француз Валид Хярды мерзімінен бұрын жеңіп, иппон рәсімдеді.

Өкінішке қарай, жартылай финалдық жекпе-жекте жерлесіміз жеңіліске ұшырады. Бірақ мұнда ҚР Қорғаныс министрлігі Орталық спорт клубының өкілі үшін күрес аяқталған жоқ. Келесі кезекте қола медаль үшін күрес жалғасын тапты. Жексенбі күні кешке аға лейтенант Ғұсман Қырғызбаев сербиялық дзюдошы Страхин Бунчичті жеңіп, үшінші орынға ие болды.

Ақпарат көзі: Министерство обороны Республики Казахстан