3-6 маусым аралығында Қарулы күштердің әскери басқару органдарында, құрамаларында, әскери бөлімдері мен мекемелерінде жауынгерлік дайындық бойынша кешенді тактикалық-саптық сабақтар өтеді.

Осыған сәйкес, әскери бөлімдерде жауынгерлік даярлық, шаруашылық жұмыстар, қару-жарақ пен әскери техникаға қызмет көрсету іс-шараларын орындау кезінде қауіпсіздік шаралары бойынша кешенді сабақтар өтті.

Жауынгерлік дайындық апталығының іс-шаралары хабарландыру жүйесінің тиімділігін тексеруге, штабтар жұмысының үйлесімділігін арттыруға және жауынгерлік әзірлікті жоғары дәрежеге келтіру кезіндегі іс-қимылдардағы жеке құрамның практикалық дағдыларын жетілдіруге бағытталған. Әскери басқару органдарының, құрамалар мен әскери бөлімдердің басқа әскерлермен, әскери құралымдармен және мемлекеттік органдармен өзара іс-қимылына ерекше назар аударылатын болады. Жауынгерлік дайындық сабақтары барысында бірлескен штабтық оқу-жаттығулар, оның ішінде жұмылдыру жаттығулары да өткізілетін болады.

Әскери бөлім мен бөлімшелердің жеке құрамы жаяу, автомобиль және жауынгерлік техникамен шоғырланған аудандар мен полигондарға жорықтар жасайды.

Іс-шаралар қорытындысы бойынша командирлердің бағынысты және берілген бөлімшелерді басқару қабілеті тексеріледі. Бөлімдердің белгіленген мерзімде мақсаты бойынша міндеттерді орындау қабілеттілігі мен үйлесімділігіне баға беріледі.

Жазғы оқу кезеңі қараша айына дейін жалғасатын болады. Қазіргі заманғы қарулы қақтығыстардың тәжірибесін ескере отырып, жауынгерлік әзірлікті арттыруға, әскерлерді қолданудың жаңа тәсілдерін игеруге баса назар аударылатын болады. Осы кезеңдегі басты іс-шара еліміздің батысында Әзербайжан, Қырғызстан, Тәжікстан және Өзбекстан әскери контингенттерінің қатысуымен өтетін "Бірлестік" халықаралық жедел-тактикалық командалық-штабтық оқу-жаттығуы болмақ.

Ақпарат көзі: Министерство обороны Республики Казахстан