Елордада NEET санатындағы жастарды әлеуметтендіру және жан-жақты қолдау үшін «ASTANA ЖасЖігер» жобасы басталды. Жоба аясындағы алғашқы іс-шара базар қызметкерлерінің қатысуымен футбол турнирі болды, деп хабарлайды Астана әкімдігінің ресми сайты.

Жастар саясаты мәселелері жөніндегі басқарма «Астана жастары» ЖРО-мен бірлесіп, бұл іс-шараның бастамашысы болды.

Жоба шеңберінде іс-шаралар кешенін өткізу, оның ішінде танымал спортшылардың қатысуымен спорттық турнирлер ұйымдастыру, белгілі тұлғаларды, әлеуметтанушылар мен психологтарды тарта отырып, түсіндіру жұмыстарын жүргізу, NEET санатындағы жастардың мәдени-ойын-сауық орталықтарына тегін баруы жоспарлануда.

Жастар саясаты мәселелері басқармасының басшысы Самат Ибраевтың айтуынша, «ASTANA Жас Жігер» жобасы елордада 2022 жылдан бастап тұрақты негізде жүзеге асырылуда. Бұл жобаның мақсаты – елордалық базарларда жұмыс істейтін жастар, фрилансерлер арасында мемлекеттік бағдарламаларды түсіндіру.

«Олардың көпшілігі бізге маусымдық жұмысқа келеді. Біздің міндетіміз – жастарды назардан тыс қалдырмау, олардың бос уақытын пайдалы, атап айтқанда футбол, волейбол, үстел теннисі, сондай-ақ басқа да спорт түрлерінен спорттық іс-шараларға жағдай жасау. Бұл жоба спортқа бағытталған және жыл соңына дейін жалғасады. Жарыс қорытындысы бойынша үздік спортшылар марапатталады», - деді басқарма басшысы.

Іс-шарада жеребе тартылды, командалардың тәртібі анықталды. Турнирге қаланың барлық базарларынан жиыны 16 команда қатысады, бұл шамамен 200 спортшыны құрайды.

Жобаға қатысушылардың бірі Нұрлан Тұрғымбаев футбол турнирінен алған әсерімен бөлісті.

«Біз Сарыарқа базарында жұмыс істейміз, мұнда алты адам бар. Әдетте жігіттермен бірге жалдамалы залда бірігіп, футбол ойнаймыз. Әлеуметтік желілерде олар жоба туралы біліп, жарыстарға қатысатынына қуанышты болды. Ұйымдастырушыларға жұмыстан алшақтап, спорттық форманы киіп көруге мүмкіндік бергені үшін үлкен алғыс айтамыз. Бұл өте қажетті шаруа, өйткені спорт денсаулықтан басқа, адамдарды біріктіреді», - деп атап өтті ол.

ММА және грэпплингтен халықаралық дәрежедегі спорт шебері Ерназ Мұсабек қатысушылармен кездесті.

«Жастарымызды жобаның ашылуымен құттықтаймын. Оның қызметі жастар арасындағы сананы арттыруға, оны спортпен таныстыруға және әлеуметтік ортаны сауықтыруға бағытталған. Сіздер – халықтың ең белсенді, мобильді, инновацияға ашық бөлігісіздер. Мен мұнда қатысушылардың барлығына жоғары мақсаттар қойып, оларға қол жеткізуін тілеймін! Табыс пен жеңістеріңіз көп болсын!» - деген тілегін білдірді іс-шараның қонағы.

Ақпарат көзі: ГУ «Аппарат акима города Астана»