2024 жылғы 20-21 қарашада Астанада ҚР Жоғарғы Соты Еуропадағы қауіпсіздік және ынтымақтастық ұйымының (ЕҚЫҰ) Демократиялық институттар және адам құқықтары жөніндегі бюросымен (ДИАҚБ) бірлесіп ұйымдастырған қылмыстық сот төрелігі жөніндегі IX Форум өтті.

Форум жұмысына Жоғары Сот Кеңесінің мүшелері Цай Олеся Юрьевна мен Мырзалиев Жеңісбек Саветбекұлы қатысты.

Форумға Жоғарғы сот судьялары, Орталық Азия мен Моңғолия елдерінің құқық қорғау органдарының, пенитенциарлық жүйелерінің өкілдері, сондай-ақ халықаралық ұйымдардың заңгерлері мен сарапшылары қатысты.

Форум барысында Қазақстан мен Орталық Азияның сот жүйесін дамытудың негізгі аспектілері, оның ішінде құқық үстемдігі мен заң алдындағы теңдік қағидаттарын сақтаудың маңыздылығы талқыланды.

Озбырлықты шектеуде, азаматтардың құқықтарын қорғауда, демократиялық құндылықтарды қамтамасыз етуде маңызды рөл атқаратын сот билігінің тәуелсіздігі мәселелеріне ерекше назар аударылады.

«Әділ сот талқылауы және сот төрелігі жүйесін реформалау» пленарлық отырысында Кеңес мүшесі О.Ю. Цай баяндама жасады.

О.Ю. Цай өз сөзінде Қазақстандағы сот жүйесін реформалаудың негізгі мәселелерін, сондай-ақ оларды іске асыру кезіндегі Кеңестің маңызды міндеттерін атап өтті.

Форумды өткізу қылмыстық сот төрелігі саласындағы халықаралық ынтымақтастықты дамытудағы, сондай-ақ Орталық Азиядағы сот органдарының тәуелсіздік қағидаттарын нығайтудағы маңызды қадам болды.

Ақпарат көзі: Қазақстан Республикасы Жоғары Сот Кеңесі