Астана қаласының Тұрғын үй орталығы «Қазақстандық тұрғын үй компаниясы» АҚ желісі бойынша «Сатып алу құқығымен жалға берілетін тұрғын үй» бағдарламасы бойынша конкурсқа қатысуға өтінімдерді қабылдауды бастайды, деп хабарлайды елорда әкімдігінің ресми сайты Астана қаласы Тұрғын үй және тұрғын үй инспекциясы басқармасына сілтеме жасап.

Өтінімдерді қабылдау birge.astana.kz порталы арқылы электрондық түрде жүзеге асырылады.

Өтінімдерді қабылдау уақыты: 2024 жылы 28 тамыз күні сағат 09:00-ден бастап, 2024 жылы 3 қыркүйек күні сағат 23:59 (қоса алғанда) дейін.

Бұл бағдарламаға «Мемлекеттік қызметшілер, бюджеттік ұйымдардың қызметкерлері, әскери қызметшілер, ғарышкерлікке кандидаттар, ғарышкерлер, арнаулы мемлекеттік органдардың қызметкерлері және мемлекеттік сайланбалы лауазымдарды атқаратын адамдар» санаты бойынша Астана қаласында тұрғын үйге кезекте тұрған азаматтар ғана қатыса алады.

Бағдарлама бойынша толықтай ақпаратты Астана қаласы Тұрғын үй және тұрғын үй инспекциясы басқармасының ресми сайтынан  https://www.gov.kz/memleket/entities/astana-uzh/press/news/details/831468?lang=kk  сілтеме арқылы білуге болады.

Ақпарат көзі: ГУ «Аппарат акима города Астана»