Бүгін Астанада Республика күні қарсаңында адамдардың өмірін сақтап қалуға және отандық медицинаны дамытуға елеулі үлес қосқан дәрігерлерді, қоғамдық денсаулық сақтау қайраткерлерін, сала менеджерлерін құрметтеуге арналған «Мәңгі жаса, қыран елім – Қазақстаным» атты салтанатты іс-шара өтті.

Өз мамандығы бойынша үздік дәрігерлер құрметті мемлекеттік және ведомстволық наградалармен марапатталды.

Тәуелсіз Қазақстан тарихында тұңғыш рет Мемлекет басшысының бастамасымен ҚР денсаулық сақтау саласындағы ерекше жетістіктері мен айрықша еңбегі үшін еліміздің үш дәрігеріне биылғы жылы белгіленген «Қазақстанның еңбек сіңірген дәрігері» («Қазақстан Республикасының еңбек сіңірген дәрігері») атағы берілді, бұл құрметті атақ «Ұлттық ғылыми медициналық орталық» АҚ Бас директоры Абай Қабатайұлы Байгенжинге, «Ұлттық ғылыми онкология орталығы» ЖШС гематология орталығының басшысы Вадим Матвеевич Кемайкинге, Қарағанды облысының «Облыстық клиникалық аурухана» КМК дәрігері Борис Валентинович Цхайға берілді.

Іс-шараның ашылуында Премьер-Министрдің орынбасары Тамара Дүйсенова денсаулық сақтау жүйесі қызметкерлерін Республика күнімен құттықтап, соңғы жылдардағы денсаулық сақтау саласындағы елеулі жетістіктерін атап өтті.

Мемлекет басшысының атынан Тамара Дүйсенова денсаулық сақтау жүйесінің үздік қызметкерлеріне мемлекеттік наградаларды табыс етті.

Денсаулық сақтау министрі Ақмарал Әлназарова сондай-ақ құтқарылған өмірлері, болашақ ұрпақтың денсаулығы мен қазақстандық отбасылардың әл-ауқатындағы медицина қызметкерлерінің орасан зор рөлі мен жауапкершілігін атап өтті. «Сіздер әрқашан алдыңғы қатардасыздар, сіздердің қажырлы еңбектеріңіз бұл біздің қоғамның тұрақтылығының негізі және ол әрқашан жоғары бағаланады. Мемлекет басшысы заңнамалық деңгейде медицина қызметкерлерінің мәртебесін арттыруға және олардың құқықтарын кешенді қорғауға ерекше көңіл бөледі», - деп атап өтті министр. Марапатталғандардың қатарында әртүрлі мамандықтағы дәрігерлер, акушер-гинекологтар, хирургтар, репродуктологтар, фармацевтер, эпидемиологтар және тағы басқалар бар.

Президенттің 2024 жылғы 16 қазандағы Жарлығымен медицина ғылымдарының докторы, профессор, ҚР ҰҒА академигі, Қазақстан репродуктивтік медицина қауымдастығының президенті, «PERSONA»халықаралық клиникалық репродуктология орталығының басшысы Вячеслав Нотанович Локшин I дәрежелі «Барыс» орденімен марапатталды.«Парасат» орденімен Кардиология және ішкі аурулар ғылыми-зерттеу институтының стратегиялық даму және ұйымдастыру-әдістемелік жұмыс бөлімінің басшысы, медицина ғылымдарының докторы Нұрлан Әбдіқалиұлы, Ұлттық ғылыми онкология орталығының көпбейінді хирургия орталығының бас консультанты, медицина ғылымдарының докторы, профессор, бас хирург Тоқан Сұлтаналиев марапатталды.«Құрмет» орденімен: Астана медицина университетінің ішкі аурулар, нефрология, аллергология, гематология және иммунология кафедрасының меңгерушісі Байдурин Серік Амангелдіұлы; Ұлттық нейрохирургия орталығының Мейіргер ісі жөніндегі директоры - Жұмабаева Алтын Зурашқызы;Алматы қаласы Қоғамдық денсаулық сақтау басқармасының № 2 қалалық перинаталдық орталығы директорының емдеу ісі жөніндегі орынбасарының міндетін атқарушы – Күреңова Гүлнар Байбосынқызы;Астана медицина университетінің патология кафедрасының профессоры Оспанова Күлжами Есімханқызы;Асфендияров атындағы Қазақ ұлттық медицина университеті Нұғманов атындағы онкология кафедрасының профессоры Қайдаров Бақыт Қасенұлы марапатталды.Республикалық медициналық-санитариялық алғашқы көмек орталығының балалардың денсаулығын сақтау және босандыру қызметінің басшысы Ибраева Марина Ерайыпқызы «Шапағат» медалінің иегері болды.

Отандық денсаулық сақтау саласын дамытуға қосқан зор үлесі үшін Президенттің 2024 жылғы 16 қазандағы Жарлығымен «Қазақстанның еңбек сіңірген қайраткері» Қазақстан Республикасының құрметті атағы саланың бірқатар дәрігерлері мен менеджерлеріне берілді. Құрметті атаққа ие болғандардың қатарында:Асфендияров атындағы Қазақ ұлттық медицина университетінің профессоры, медицина ғылымдарының докторы Смайылов Асхан;«Академик Н. Ж. Батпенов атындағы Ұлттық травматология және ортопедия ғылыми орталығы» № ортопедия бөлімшесінің меңгерушісі Белокабылов Алексей Александрович;Қазақ Дерматология және инфекциялық аурулар ғылыми орталығының адамның иммун тапшылығы вирусы жөніндегі ұлттық үйлестірушісі Давлетгалиева Татьяна Ивановна;«Балбұлақ» балаларды оңалту орталығы» психоневрология бөлімшесінің меңгерушісі Варзина Татьяна Владимировна;Шымкент қаласы бойынша Медициналық және фармацевтикалық бақылау департаментінің басшысы Қашқымбаева Лязят Рсымбекқызы;«Әлеуметтік медициналық сақтандыру қоры» Басқарма төрағасының орынбасары Пономарева Светлана Владимировна;Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің инфекциялық ауруларды эпидемиологиялық бақылау басқармасының басшысы Қожапова Роза Абзалқызы;«СҚ-Фармация» дәрі-дәрмекпен қамтамасыз ету басқармасының бірінші санатты бас менеджері Құрманова Бақытжамал;Акушерлік, гинекология және перинатология ғылыми орталығы төрағасының орынбасары Айымбетова Әлия Робертқызы;«Ұлттық балаларды оңалту орталығының» бас мейіргері Тілеулинова Райхан Ряшқызы;Қазақстан Республикасы Денсаулық сақтау министрлігі Медициналық көмекті ұйымдастыру департаментінің директоры Сәрсенбаева Гүлнара Еділқызы;Қарағанды медицина университетінің тілдерді дамыту орталығының басшысы Маретбаева Марина Әбілжанқызы.

«Шапағат» медалімен «Астана медицина университеті» № 2 анестезиология және қарқынды терапия кафедрасының меңгерушісі Мұстафин Әлібек Хамзенұлы, Республикалық психикалық денсаулық ғылыми-практикалық орталығының емдеу-консультациялық комиссиясының төрағасы Ленская Ирина Геннадьевна, Семей медицина университетінің» неврология, офтальмология және оториноларингология» кафедрасының профессоры Хайбуллин Талғат Нұрмұханұлы марапатталды.Ана мен бала денсаулығын сақтау саласында бірқатар медициналық ұйымдар «Беделді перзентхана» номинациясымен жеке марапатталды. Номинация жеңімпаздары Алматы қаласының Перинатология және балалар кардиохирургиясы орталығының директоры Нұрланова Гүлнара Қазтайқызы, Түркістан облысының №3 Перинаталдық орталығының директоры Аязбеков Ардақ Керімханұлы, Ақтөбе облыстық перинаталдық орталығының директоры Темірбаева Гүлшат Балғазықызы болды. Сондай-ақ, салтанатты рәсім барысында «Беделді балалар ауруханасы» номинациясында жеңіске жеткен үздік балалар ауруханалары таңдалды. Бұл Шымкент қалалық клиникалық балалар ауруханасының директоры Жұмаділова Динара Ақәділқызы, Түркістан облыстық балалар ауруханасының директоры Досанова Алтын Мейрамбайқызы, Астана қаласының №2 қалалық көпбейінді балалар ауруханасының директоры Кулушева Гүлнар Ережеқызы.

Марапаттарға ие болған дәрігерлер мемлекет пен қоғам тарапынан қолдаудың маңыздылығын, сондай-ақ алынған марапаттаулар олардың жұмысын одан әрі жетілдіруге ынталандыратынын атап өтті.Биыл Мемлекет басшысы ауылдық жерлерге келетін мамандарға тұрғын үй беру, көтерме жәрдемақы төлеу және басқа да жеңілдіктер сияқты әлеуметтік қолдаудың жан-жақты шараларын қоса алғанда, медицина қызметкерлерін кешенді қорғауға бағытталған заң қабылдағанын естеріңізге сала кеткен жөн.Іс-шара Денсаулық сақтау министрінің, өңірлік денсаулық сақтау басқармалары басшыларының, медицина қызметкерлерінің, сала ардагерлерінің, жеке және мемлекеттік медициналық ұйымдардың бас дәрігерлерінің, медициналық ЖОО студенттерінің және басқа да құрметті қонақтардың қатысуымен өтті.Республиканың денсаулық сақтау жүйесінде бүгінде 271 929 медицина қызметкері, оның ішінде 80 000-нан астам дәрігер жұмыс істейді.

Ақпарат көзі: Министерство здравоохранения Республики Казахстан