Мемлекет басшысының Жарлығымен қызметтік борышын атқаруда жанқиярлығы, сондай-ақ еліміздегі су тасқыны кезеңіндегі көрсеткен ерлігі үшін  Ерлан Даулетов мемлекеттік

награда «Ерлігі үшін»

медалімен марапатталды.

Атырау облысы ТЖД № 13 мамандандырылған өрт сөндіру бөлімі бөлімшесінің командирі Ерлан Даулетов азаматтық қорғау органдарында 2011 жылдан бастап қызмет етіп келеді.

Қала аумағында бірнеше рет орын алған ірі өрттер мен авариялық-құтқару жұмыстарына қатысып, су тасқынымен күрес жұмыстарына қатысып, батылдық пен шеберлік таныта білді.

29 наурыздан бастап Е.Даулетов Атырау  облысы Қызылқоға ауданына тасқын су басуының алдын алу мақсатында 61 қызметкермен бірге жіберіліп, Қызылқоға ауданына ауылдық окруктерді су тасқынан қорғау үшін ауыл тұрғындарымен, ерліктерімен бөгеттерді нығайту жұмыстарын жұргізіп, Қызылқоға ауданы Миялы, Тасшағыл, Абай ауылдарында су басу қаупінің алдын алды.

5 сәуірде Жылыой ауданында төтенше жағдай жарияланып, Жылыой ауданы Құлсары қаласындағы тұрғындарды, үй жануарларын, төрт-түлік малдарды құтқару жұмыстарын жүргізді.

18 сәуір күні азаматтық қорғау аға сержанты Е.Даулетов Махамбет ауданы Ақжайық ауылына тасқын су басуының алдын алу мақсатында жіберілді. Ақжайық ауылында еріктілермен бірге бөгет салу жұмыстарына белсенді қатысты.

Азаматтық қорғау аға сержанты Е.Даулетов өрт сөндіру бөлімінің жеке құрамымен бірге тұрғындарды эвакуациялау және су басқан аумақтан үй жануарларын және тұрғындардын мүліктерін құтқару бағытында атқарылған жұмыстар жүргізді. 

12 мамыр күні №52859 әскери бөлімі қызметкерлерімен Ақжайық ауылының тоғайларына су қауіпінің алдын-алу мақсатында күндіз-түні бақылау жұмыстарын жүргізді.

Су тасқыны кезеңінде 50-ге жуық адамды эвакуациялап, 30-дас астам үй жануарлары мен төрт түлік малдарды қауіпсіз жерге көшіру жұмыстарын жүргізді.  

 

Атырау облысы ТЖД баспасөз қызметі

 

 

 

 

 

 

Ақпарат көзі: Министерство по чрезвычайным ситуациям Республики Казахстан