ҚАЗҰУ-ДА GLOBALSKY ЗЕРТХАНАСЫ АШЫЛДЫ

  Әл-Фараби атындағы ҚазҰУ-дың география және табиғатты пайдалану факультетінде GlobalSky атмосфералық зерттеулердің инновациялық зертханасы ашылды.

  Атмосфералық зерттеулердің инновациялық зертханасы атмосфералық процестерді тереңірек түсіну, ауа райы мен климаттық өзгерістердің салдарын болжау, атмосфералық ауаның тұрақтылығы мен сапасын басқару саласында инновациялық шешімдерді құру үшін озық технологиялар мен әдістерді әзірлеу және енгізу мақсатында құрылған.

  Зертхананың қызметі экономика үшін маңызды бағыттарды қамтиды. Олар, мәселен: жаһандық және аймақтық климаттық өзгерістердің (құрғақшылық, жылыну, қатты аяз) салдарымен байланысты атмосфералық қауіптер мен тәуекелдерді зерттеу; көміртегі бейтараптығына қол жеткізу үшін көміртегі ізін азайту контексінде баламалы энергия көздерінің қолжетімді әлеуетінің динамикасын зерттеу; көміртегі бейтараптығына қол жеткізу үшін белсенді әсер етудің жаңа әдістерін зерттеу сынды мәселелер.

  Зертхананың басты бәсекелестіктегі артықшылықтарының бірі – технологиялық көшбасшылық. Зертхана мамандандырылған деректерді жинауға және талдауға арналған заманауи технологиялар мен құралдарға қол жеткізе алады. Мысалы, метеорологиялық температура профилемері – 0-ден 1000 метрге дейінгі биіктікте атмосфераның шекаралық қабатындағы сәулеленуді өлшейтін қашықтықтан зондтау құралы. Зертхана атмосфераны зерттеудің жаңа әдістері мен тәсілдерін әзірлеу мүмкіндігіне ие. Команда сараптама мен зерттеулердің жоғары деңгейін қамтамасыз ететін атмосфералық зерттеулер саласында көпжылдық тәжірибесі бар ғылымның әртүрлі салаларындағы жоғары білікті мамандардан құралған.

  «Әл-Фараби атындағы ҚазҰУ жанындағы GlobalSky зертханасы ғылыми әлеуетті дамытуға, талантты мамандарды тартуға және университеттің атмосфералық ғылымдар саласындағы көшбасшылық ұстанымын нығайтуға ықпал ететін академиялық және ғылыми қызметтің маңызды құрамдас бөлігі болып табылады. Зертханада жүргізілген зерттеулер атмосфераға байланысты қауіпті құбылыстардан болатын ықтимал залал тәуекелдерін азайтуға, көміртегі бейтараптығына, азық-түлік қауіпсіздігіне қол жеткізуге және экономиканың әртүрлі салаларында ресурстарды пайдалануды оңтайландыруға ықпал етеді», – дейді зертхана басшысы, география ғылымының докторы, Метеорология және гидрология кафедрасының профессоры Виталий Сальников.

  Атмосфералық зерттеулердің міндеттері Тұрақты даму мақсаттарымен, мәселен: аштықты жою, азық-түлік қауіпсіздігін қамтамасыз ету, денсаулық пен әл-ауқат, сапалы білім, қолжетімді әрі таза энергия, климаттың өзгеруімен күресу, құрлық экожүйелерін сақтау және басқа да тақырыптармен тығыз байланысты екенін атап өткен жөн.

Ақпарат көзі: Қазақстан Республикасы Ғылым және жоғары білім министрлігі