Ауыл шаруашылығы министрі Айдарбек Сапаров герман экономикасы Шығыс комитетінің басқарма төрағасы Катрина Клаас-Мюльхойзермен кездесті.

Комитет-неміс капиталымен, оның ішінде Орталық Азия елдерінде инвестициялық жобаларды ілгерілететін ірі және көне бизнес-қауымдастықтардың бірі. Германия экономикасы Шығыс комитетінің төрағасы ретінде Клаас-Мюльхойзер ханым қауымдастық мүшелерінің Қазақстанмен әріптестік қатынастарды дамытуға жоғары қызығушылығы, оның ішінде ауыл шаруашылығының инвестициялық тартымдылығы туралы айтып берді.

Қонақтарды қарсы ала отырып, Айдарбек Сапаров Шығыс комитетінің Қазақстан мен Германия арасындағы екіжақты сауда-экономикалық және инвестициялық ынтымақтастықты дамытуға қосқан үлесін жоғары бағалайтынын айтты.

"Германия біздің бұрыннан келе жатқан стратегиялық серіктесіміз және Қазақстан ауыл шаруашылығы саласындағы екіжақты ынтымақтастықты одан әрі кеңейтуге және тауар айналымын ұлғайтуға мүдделі. 2023 жылы біздің елдеріміз арасындағы АӨК өнімдерінің тауар айналымы 18% -ға өсіп, 123 млн. АҚШ долларын құрады. Мен қос ел арасындағы сауданы дамыту әлеуетін одан әрі арттырудың үлкен перспективалары бар деп санаймын", - деп атап өтті АШМ басшысы.

Сондай-ақ, Қазақстан Республикасының Президенті Қасым-Жомарт Тоқаевтың тапсырмасы негізінде Германиядағы әріптестерімен бірлесіп Өңірлік тұрақты егіншілік орталығын құру бойынша жұмыстар жүргізіліп жатқанын атап өткен жөн. Қазіргі уақытта орталық тұжырымдамасының жобасы Қазақстан-Неміс аграрлық-саяси диалогының ескертулері мен ұсыныстарын ескере отырып пысықталып, қарауға жіберілді.

Бұл орталық еліміздің ауыл шаруашылығы әлеуетін неғұрлым толық пайдалануға, инновациялық технологияларды енгізуге және оларды коммерцияландыруға ықпал ететін болады.

Мұнан бөлек, Айдарбек Сапаров кездесу барысында Қазақстан аграрлық секторға инвестиция салуға кең мүмкіндіктер беріп отырғанын, АӨК-те инвестициялық жобаларды іске асыру үшін мемлекет тарапынан қолдау шаралары қарастырылғанын айтты.

Солтүстік Қазақстан облысында КЛААС зауытын іске қосу жемісті ынтымақтастықтың жарқын мысалы болып табылады. Оның өнімдері қазақстандық фермерлер арасында өте сұранысқа ие және олардың жұмысының тиімділігін арттыруға ықпал етеді.

Ақпарат көзі: Министерство сельского хозяйства Республики Казахстан