Қазақстан Республикасы Сауда және интеграция министрлігі мен Тәжікстан Республикасы Үкіметі жанындағы Стандарттау, метрология, сертификаттау және сауда инспекциясы агенттігі екі ел арасындағы сауда-экономикалық қарым қатынастардағы техникалық кедергілерді жоюға, сондай-ақ ұлттық жүйелерді халықаралық стандарттармен үйлестіруге бағытталған ынтымақтастық туралы меморандумға қол қойды.

Құжат ақпаратпен, нормативтік құжаттамамен және тәжірибемен алмасу жөніндегі тараптардың міндеттемелерін, сондай-ақ қызметкерлердің біліктілігін арттыру, стандарттарды әзірлеу және сәйкестікті бағалау нәтижелерін тану бойынша бірлескен іс-шараларды қамтиды.

Меморандум өнімдер мен көрсетілетін қызметтердің сапасын арттыруға ықпал ете отыра, екіжақты ынтымақтастықтың маңыздылығын айқындайды. Бұл өз кезегінде арадағы сауда-саттықты одан әрі дамыта түспек.

Ақпарат көзі: Министерство торговли и интеграции Республики Казахстан