Ауыл шаруашылығы министрі Айдарбек Сапаров Вьетнамның өнеркәсіп және сауда министрі НГУЕН ХОНГ Зиенмен кездесу өткізді.

Кездесуде Айдарбек Сапаров бірлескен жұмыс үшін бірінші кезектегі басымдықтардың қатарында АӨК өнімдерінің өзара сауда көлемін ұлғайту тұрғанын айтты.

"Екі ел арасындағы АӨК өнімі бойынша тауар айналымы аз, сондықтан біздің елдеріміз арасындағы сауда-экономикалық байланыстарды дамытуды жалғастыру, ауыл шаруашылығы өнімдерін өзара жеткізу көлемін ұлғайту және кеңейту қажет деп санаймын", - деп түсіндірді АШМ басшысы.

Сондай-ақ, қазақстандық ет өнімдерінің, оның ішінде жақында Вьетнамға келген "Халал" стандартының экспорттық әлеуеті жоғары екенін атап өтті.

Бұдан  бөлек, Қазақстан Вьетнам нарығына астық, жарма, ұн, макарон және кондитерлік өнімдер, жеміс-көкөніс, сүт өнімдерін және жоғары сапалы ауыл шаруашылығы өнімдерінің басқа да түрлерін жеткізуге мүдделі.

Өз кезегінде біз Вьетнамнан тропикалық жемістер мен теңіз өнімдерін, сондай-ақ жаңғақтарды алуға қызығушылық бар.

Вьетнамның өнеркәсіп және сауда министрі НГУЕН ХОНГ Зиен мал шаруашылығы, өсімдік шаруашылығы және сүт өнімдерін өңдеу саласындағы бірлескен жобаларды жүзеге асыруға дайын екенін мәлімдеді. Осы жұмысты жүргізу үшін бизнестің жаңа өкілдерін тартуға жәрдемдесуге дайын екенін айтты.

Сондай-ақ, НГУЕН ХОНГ Зиен АШМ басшысы Айдарбек Сапаровты агроөнеркәсіптік кешендегі екіжақты ынтымақтастықты нығайту және жаңа бірлескен жобаларды жүзеге асыру үшін Вьетнамға шақырды.

Ақпарат көзі: Министерство сельского хозяйства Республики Казахстан