Өзбекстан Республикасының Президенті Шавкат Мирзиёевтің Қазақстанға ресми сапары аясында Қазақстан Республикасының Ұлттық экономика министрлігі мен Өзбекстан Республикасының Экономика және қаржы министрлігі Өзара түсіністік пен ынтымақтастық туралы хаттамаға қол қойды.

Құжатқа Қазақстан тарапынан Премьер-Министрдің орынбасары – Ұлттық экономика министрі Нұрлан Байбазаров, Өзбекстан тарапынан – Өзбекстан Республикасының Сыртқы істер министрі Бахтиёр Саидов қол қойды. 

Тараптар екі елдің экономикалық саясатты іске асыру бойынша тәжірибе мен ақпарат алмасу саласындағы келісімдерін бекітті.

Хаттама екі мемлекет халқының әл-ауқатын жақсартуға, инновациялар арқылы экономикалық өсуді ынталандыруға, бәсекеге қабілеттілікті арттыру әрі жаңа жоғары технологиялық кәсіпорындарды құруға бағытталған.

Ақпарат көзі: Министерство национальной экономики Республики Казахстан