25 қазан – Қазақстан Республикасының күні – шын мәніндегі ұлттық мереке. Бұл күні біз Қазақстанның Тәуелсіздік тарихының басталуын ерекше мақтанышпен мойындаймыз. Осыған орай, бүгін Кеншілер мәдениет сарайының ғимаратында Қазақстан Республикасы күніне арналған салтанатты жиын өтті. Жоғары жетістіктері және қызметтік міндеттерін үлгілі атқарғаны үшін әскери бөлім қызметкері мен денсаулық сақтау саласының қызметкерлері Қазақстан Республикасы Ішкі істер және Денсаулық сақтау министрліктерінің Құрмет грамоталары мен алғыс хаттарына ие болды.Сондай-ақ, біздің өңіріміздегі ұйымдар мен кәсіпорындардың бірқатар мамандары облыс әкімдігінің және Шахтинск қаласы әкімдігінің Құрмет грамоталарымен және алғыс хаттарымен марапатталды. Қазақстан Республикасы күнін мерекелеу аясында мемлекеттік жастар саясатын жүзеге асыру және жастар қозғалысының дамуын ынталандыру мақсатында «Жастар» сыйлығының иегерлерін марапаттадым. Шахтинск қаласы әкімінің гранты түріндегі бизнес жобаларын жүзеге асыру үшін 17 жас кәсіпкерге әрқайсысына 1 миллион теңгенің сертификаттары табыс етілді. Қазір жастарды дамытуға, барлық қажетті жағдайларды жасауға, жыл сайын осы саланы қаржыландыруға көп көңіл бөлу қажет.

Шахтинск қаласы әкімдігінің баспасөз қызметі

Ақпарат көзі: ГУ «Аппарат акима города Шахтинск»