2024 жылдың 14 қыркүйегінде Бейжің қаласында «Бір белдеу, бір жол» жоғары деңгейдегі үшінші конференция аясында Еуразиялық патенттік ұйымның Еуразиялық патенттік ведомствосы ұйымдастырған «IP Еуразия. Инновация кеңістігі» халықаралық конференциясы өтті.

Халықаралық конференцияда Қытай мен Еуразиялық аймақ елдері арасындағы зияткерлік меншік саласындағы стратегиялық бағыттар қаралып, Еуразиялық патенттік жүйенің Қытай компаниялары үшін артықшылықтары таныстырылды. Сонымен қатар, «Еуразиялық патенттік конвенцияға 30 жыл: болашаққа бағдар» көрмесі өткізілді.

Қазақстандық делегация атынан зияткерлік меншік құқығы департаментінің директоры Шолпан Әбдіреева сөз сөйледі. Өз сөзінде ол Қазақстанда зияткерлік меншікті құқықтық қорғау, инновациялық даму үшін қолайлы орта құру және орнықты экономикалық өсу мен инвестициялар тарту үшін зияткерлік меншікті қорғау мәселелеріне ерекше назар аударылатынын атап өтті.

Шолпан Әбдіреева «IP Еуразия» 4-ші халықаралық конференциясын Астана қаласында өткізу жоспарланып отырғанын айтып, мұндай маңызды оқиға тәжірибе алмасу, жаңа идеялар мен тиімді үміттер үшін тамаша платформа болатынын айтты.

Ақпарат көзі: Министерство юстиции Республики Казахстан