Қазақстан Республикасының Экология және табиғи ресурстар вице-министрі Жомарт Әлиев азаматтарды жеке қабылдады.

Кездесу офлайн форматта өтті. Қабылдауға қалдықтарды, рұқсат етілмеген полигондарды басқару мәселелері бойынша Астана қаласының тұрғыны, эколог Шасалим Шагалимов қатысты.

Вице-министр атап өткендей, бүгінде стихиялық полигондардың пайда болуын бақылау жөніндегі негізгі шаралардың бірі ғарыштық мониторинг болып табылады.

Жұртшылықты осы жұмысқа тарту мақсатында «Waste View» және «Waste Edit» мобильдік қосымшалары бар, онда қоғам мүшелері стихиялық қоқыстардың пайда болу орындарын тікелей тіркей алады (бүгінгі таңда осы қосымшаларды жаңарту бойынша жұмыс жүргізілуде).

Сондай-ақ, кездесу барысында Астана қаласында қалдықтарды бөлек жинауға арналған фандоматтар бойынша мәселе көтерілді.

Бүгінгі таңда Астана қаласында 42 фандомат орнатылды.

Фандоматтар қоғамдық бару және пайдалану орындарында (тұрғын үй кешендері, демалыс аймақтары, супермаркеттер, әуежайлар, теміржол вокзалдары, саябақтар, кеңселер, сауда орталықтары, университеттер мен мектептер) орналастырылған.

Фандомат иелері жарнамалық ақпаратты фандомат корпустарына орналастырудан және жиналған қалдықтарды сатудан кіріс алады.

Жалпы, министрлік Қазақстан аумағы бойынша фандоматтарды орналастыруды кеңейту идеясын қолдайды.

Мұндай кездесулер жүйелі түрде өтеді. Кездесу аясында толық жауаптар, түсініктемелер мен ұсыныстар берілді.

Ақпарат көзі: Министерство экологии, геологии и природных ресурсов Республики Казахстан