Алматыда Қазақстан Республикасы Қорғаныс министрлігі Бітімгерлік операциялар орталығының базасында «Оқытуға әзірлеу және басқару» тақырыбында семинар өтті.

Мұнда нұсқаушы ретінде Ұлыбритания әскери ведомствосының өкілдері сөз сөйлеп, қазақстандық әріптестерімен білім беру технологиялары саласындағы өз тәжірибелері мен білімдерін бөлісті. Қазақстандық тараптан семинарға әскери және азаматтық нұсқаушылар, бітімгерлік операциялар орталығының және Сағадат Нұрмағамбетов атындағы Құрлық әскерлері әскери институтының оқытушылары қатысты.

Дәрістерде әскери білім беру саласындағы экономикалық тиімді әдістерге баса назар аудара отырып, білім беру процестерінде автоматтандыруды дамыту мен енгізудегі заманауи үрдістер қарастырылды.

Презентациялар мен пікірталастар барысында қатысушылар заманауи технологиялардың қатысын және әртүрлі стандартты емес әдістерді, соның ішінде ақпаратты игеруді жақсарту үшін ойын тәсілдерін қолдануды талқылады.

Ақпарат көзі: Министерство обороны Республики Казахстан