Шығыс Қазақстан облысы Төтенше жағдайлар департаментінің мамандары Ақпараттық орталықта өткен брифингте білім беру нысандарының жаңа оқу жылына дайындығы және мемлекеттік өрт бақылауын жүзеге асырудағы өзгерістер туралы баяндады.

Мемлекеттік өрт бақылау басқармасы бастығының орынбасары Болат Тоқтарғалиев Шығыс Қазақстан облысы аумағында 653 білім беру нысаны, оның ішінде 360 жалпы білім беретін мекеме (мектептер, лицейлер, гимназиялар) бар екенін айтты. Оқу жылына дайындық аясында білім беру бөлімдерімен бірлесіп, мектептердің өрт қауіпсіздігі ережелерінің сақталуына тексеру жүргізіледі. Ерекше назар ғимараттар мен құрылыстарға кіреберіс жолдарға, өртке қарсы су қамтамасыз ету жүйесіне, өрт автоматикасы мен эвакуация жолдарының жай-күйіне, электр жабдықтарының жарамдылығына, өрт сөндірудің алғашқы құралдарымен қамтамасыз етілуіне аударылады.

Осы жылы тәуекел дәрежесін бағалау критерийлеріне сәйкес 292 білім беру нысаны тексерілді, оның нәтижесінде өрт қауіпсіздігі талаптарын бұзудың 1543 фактісі анықталды. Білім беру нысандарына өртке қарсы жай-күйінің қанағаттанарлықсыз екендігі туралы хабарланды. ТЖД мамандары нұсқаулықтар мен қауіпсіз эвакуация бойынша 168 бірлескен жаттығу өткізді. Брифинг барысында мамандар жалпы нысандарда мемлекеттік өрт бақылауын жүзеге асырудағы кейбір өзгерістер туралы айтып өтті.

Өрт қауіпсіздігі саласындағы профилактикалық бақылауды нысанды бақылау және қадағалау субъектісіне бару арқылы жүзеге асыру үшін тәуекел дәрежесін бағалау критерийлеріне және тексеру парақтарына өзгерістер енгізілді, сондай-ақ азаматтық қорғау туралы заңға өзгерістер енгізілді. Өрт қауіпсіздігі саласындағы қызметті немесе жекелеген қызмет түрлерін тоқтата тұру туралы актілердің нысандары бекітілді.

Тексеру парағында өрт қауіпсіздігі бойынша 81 талап бар, олардың бұзылуы жедел ден қою шараларын қолдануға – нысандағы қызметті немесе жұмысты тоқтатуға әкеледі. Жедел ден қою шараларының әрекет ету мерзімі барлық талаптар үшін бірдей – 60 күнтізбелік күн.

Мемлекеттік инспектор талаптардың бұзылғанын анықтаған кезде, қызметті тоқтата тұру туралы акт жасайды, ол бақылау және қадағалау субъектісіне Қазақстан Республикасының Кәсіпкерлік кодексінің 153-бабына сәйкес беріледі.Айта кету керек, мемлекеттік өрт бақылауы портативті тасымалданатын бейнетіркегішті қолдану арқылы жүзеге асырылады.

Анықталған бұзушылықтар тексеру актісінде, сондай-ақ анықталған бұзушылықтарды жою туралы нұсқамада көрсетіледі. Бұзушылықтарды жою мерзімі аяқталғаннан кейін анықталған бұзушылықтарды жоюды бақылау үшін жоспардан тыс тексеру жүргізіледі. Анықталған бұзушылықтарды өрт қауіпсіздігі саласындағы мемлекеттік инспектор растаған жағдайда, қызметті тоқтата тұру туралы актінің күші жойылады.

Бұзушылықтар жойылмаған жағдайда, жоспардан тыс тексеру нәтижелері бойынша бұзушылықтарға жол берген тұлғаларды Қазақстан Республикасының Әкімшілік құқық бұзушылық туралы кодексінің 462-бабының 3-бөлігіне сәйкес жауапкершілікке тарту шаралары қабылданады, сондай-ақ өрт қауіпсіздігі саласындағы мемлекеттік инспектор қызметті немесе жекелеген қызмет түрлерін тоқтата тұру туралы актілерді және анықталған бұзушылықтарды жою туралы нұсқамаларды шығарады.

Жедел ден қою шараларын қолдану туралы ақпарат Қазақстан Республикасының Бас прокуратурасы белгілеген тәртіппен мемлекеттік құқықтық статистика және арнайы есепке алу саласындағы қызметті жүзеге асыратын мемлекеттік органға жіберіледі.

   

 

 

Ақпарат көзі: ГУ «Аппарат акима города Усть-Каменогорска Восточно-Казахстанской области»