Ирландияның Дублин қаласында өткен IGeO-2024 география бойынша халықаралық олимпиадада қазақстандық оқушылар жоғары нәтижелерге қол жеткізді. Оған әлемнің 50 елінен 200-ге жуық оқушы қатысты.

 Біздің команда 100% нәтиже көрсетіп, бір күміс және үш қола медаль жеңіп алды:

 Ақжол Болат — Талдыкорған қаласындағы ФМБ НЗМ 11-сынып оқушысы;

 Жомарт Сабыр — Жамбыл облысындағы дарынды балаларға арналған мамандандырылған «Дарын» лицей-интернатының 11-сынып оқушысы;

 Арсен Сыдықов — Шымкент қаласындағы ХББ НЗМ 11-сынып оқушысы;

 Қанат Серікбай — Шымкент қаласындағы ХББ НЗМ 11-сынып оқушысы.

 Команда жетекшілері: Нұрлан Жұмагелді — «Дарын» РҒПО директордың орынбасары және Мақсат Аубакиров — «Дарын» РҒПО бөлім басшысы.

 Оқушыларымызды жеңістерімен құттықтаймыз және толағай табыстар тілейміз!

 Анықтама үшін: IGeO олимпиадасы 1996 жылдан бастап Халықаралық географиялық одақтың (IGU) қолдауымен өткізіліп келеді.

Ақпарат көзі: Министерство образования и науки Республики Казахстан