Мемлекет басшысының Жарлығымен қызметтік борышын атқаруда жанқиярлығы, сондай-ақ еліміздегі су тасқыны кезеңіндегі көрсеткен ерлігі үшін  Ерлан Джұртпаев мемлекеттік

награда

«Ерлігі үшін»

медалімен марапатталды.

Ағымдағы жылдың наурыз айының басында Абай облысының бірқатар қалалары мен аудандарында сыртқы ауа температурасының күрт жылынуы нәтижесінде күрделі су тасқыны жағдайлары туындады.

Мәселен, Мақаншы, Көкпекті және Ақсуат аудандарына Абай облысы ТЖД күштері мен құралдарын жедел топтары шұғыл түрде жіберілді.

Семей қаласының №2 өрт сөндіру бөлімінің өрт сөндіру көлігінің аға жүргізушісі, азаматтық қорғау старшинасы Ерлан Джұртпаев жедел топтардың құрамында болған кезде су тасқынына қарсы іс-шараларға, оның ішінде елді-мекендерден еріген қар суын сорып алу, жергілікті тұрғындарды қауіпсіз орындарға эвакуациялау жөніндегі іс-шараларға белсенді қатысты. Дұрыс жүргізілген инженерлік су тасқынына қарсы жұмыстардың нәтижесінде аталған аудандарда су басуға жол берілмеді.

Бұдан басқа, «Қарағанды-Аягөз-Тарбағатай-Бұғаз» республикалық маңызы бар автомобиль жолы арқылы еріген судың төгілуіне жол бермеу және трансформаторлық қосалқы станцияны су басу қаупінің алдын-алу мақсатында Ерлан Джұртбаев су тасқынына қарсы жұмысты күшейтіп жүргізді. Азаматтық қорғау қызметкерлерінің жұмысының нәтижесінде елді-мекендерде көлік қатынасы бұзылған жоқ және олардың тыныс-тіршілігіне қауіп төнген жоқ.

Жеке құрам және азаматтық қорғау старшинасы Ерлан Джұртпаевтың үйлесімді іс-қимылдарының арқасында Абай облысының бірнеше аудандарында су тасқынынан келер қауіпті азайтуға мүмкіндік туды.

Ерлан Джұртбаев азаматтық қорғау органдары жүйесінде 2008 жылғы шілдеден бастап қызмет атқарады, 2023 жылғы наурыздан бастап Семей қаласының № 2 өрт сөндіру бөлімінің өрт сөндіру көліктерінің аға жүргізушісі-қызметкері лауазымында.

 Абай облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан