Азия мен Тынық мұхиты өңірі цифрлық инновациялар орталығына айналды, бұл тұрақты даму мен жалпы әл-ауқат үшін цифрлық қосылу мен трансформацияны жеделдетуге теңдессіз мүмкіндік береді.

2024 жылғы 3-5 қыркүйек аралығында Астанада Азия-Тынық мұхиты цифрлық қосылу мен трансформация бойынша министрлік конференциясы өтеді, оған үкімет басшылары, министрлер, жоғары лауазымды тұлғалар, цифрлық технологиялар саласындағы сарапшылар мен технологиялық компаниялардың өкілдері қатысады.

Конференцияны Қазақстан Үкіметі және Азия мен Тынық мұхит үшін Экономикалық және әлеуметтік комиссия (ЭСКАТО) бірлесе ұйымдастырады. Конференция өңірде инклюзивті цифрлық экономикалар мен қоғамдарды ілгерілетуді, сондай-ақ цифрлық алшақтықты жою, цифрлық байланыстылықты нығайту, цифрлық дағдыларды оқытуды қамтамасыз ету және цифрлық сенім мен қауіпсіздікті арттыру үшін цифрлық ынтымақтастықты дамытуға бағытталған.

Конференцияның негізгі оқиғасы ЭСКАТО әзірлеген Азия-Тынық мұхиты цифрлық трансформация туралы 2024 жылғы баяндамасының жариялануы болады. Бұл шығарылым цифрлық трансформация мен климаттық дағдарыс арасындағы өзара байланысқа, сондай-ақ климаттың өзгеру салдарын азайту және бейімделу мәселелерін шешудегі цифрлық қолданбалардың рөліне арналады.

Астана Конгресс орталығы іс-шараның орталығына айналады: іс-шарада сондай-ақ Қазақстанның технологиялық шешімдері күні өтеді. Бұл Қазақстандағы технологиялық компаниялар, стартаптар және мемлекеттік агенттіктер үшін озық цифрлық шешімдерді көрсетуге арналған ерекше платформа болады. Қатысушылар Орталық Азиядағы ең ірі инновациялық орталық - Astana Hub халықаралық технологиялық паркінің жетістіктерімен танысуға мүмкіндік алады.

Назар аударыңыз: Конференцияға қатысу үшін бұқаралық ақпарат құралдарының өкілдерін аккредиттеуге шақырамыз. Аккредиттеу баспасөз конференцияларына, негізгі спикерлермен және конференция қатысушыларымен сұхбат алуға, сондай-ақ эксклюзивті материалдарға қол жеткізуге мүмкіндік береді.

Не: Азия-Тынық мұхиты цифрлық қосылу мен трансформация бойынша министрлік конференциясыҚашан: 2024 жылғы 3-5 қыркүйекҚайда: Астана Конгресс орталығы, Гейдар Алиев көшесі 12, Астана, Қазақстан

БАҚ аккредитациясына тіркелу (жеке келген қатысушылар үшін): https://indico.un.org/event/1011167/  

Онлайн қатысушылар үшін тікелей трансляция: https://www.youtube.com/unescap  

Қосымша ақпарат пен оқиғалардың толық кестесін алу үшін: https://www.unescap.org/events/2024/asia-pacific-ministerial-conference-digital-inclusion-and-transformation

БАҚ сұраулары немесе сарапшылармен сұхбатқа қатысты өтініштер бойынша:

Кавита Сукандан

ЭСКАТО коммуникациялар және білімді басқару бөлімі

Электрондық пошта:

escap-scas@un.org

Балия Кенжеболатова

Қазақстан Республикасының Цифрлық даму, инновациялар және аэроғарыш өнеркәсібі министрлігінің баспасөз қызметі

Электрондық пошта:

pressmdai@gmail.com

Біріккен Ұлттар Ұйымының Азия және Тынық мұхиты үшін Экономикалық және әлеуметтік комиссиясы (ЭСКАТО) – Азия-Тынық мұхиты аймағындағы ең инклюзивті үкіметаралық платформа. Комиссия 53 мүше мемлекет пен 9 ассоциативті мүше мемлекет арасында тұрақты даму мәселелерін шешу жолында ынтымақтастықты нығайтуға ықпал етеді. ЭСКАТО – Біріккен Ұлттар Ұйымының бес аймақтық комиссиясының бірі.

Ақпарат көзі: Министерство цифрового развития, инноваций и аэрокосмической промышленности Республики Казахстан