Байғанин ауданына жұмыс сапары аясында облыс әкімі Асхат Шахаров аудан активімен кездесті. Кездесу барысында ол ауданды дамыту жоспары туралы сөз қозғады.

«Биыл бірқатар елді мекендерді, соның ішінде шалғай жатқан Қаражар-Оймауыт ауылдарын газбен жабдықтауға 4 млрд. теңге бөлінді. Биыл Оймауыт пен Миялы ауылдарындағы жолдарды жөндеуге қомақты қаражат бөлініп, жолды жөндеу басталды.

Аудан орталығында 32 пәтерлік екі коммуналдық үй салынуда. Тұрғын үйді кезекте тұрғандар алады. Аумақтарды абаттандыруға, жарықтандыру, сумен жабдықтау мәселелерін шешуге және басқа да мақсаттарға қаражат бөлінеді. Ауданда «Ауыл аманаты» жобасының арқасында бизнес жақсы дамып, мал басы өсуде. Мемлекеттік бағдарламалар бойынша әлеуметтік нысандар салынуда. Ауылдағы стадионды жөндеуге келесі жылы қаражат бөлеміз. Президенттің тапсырмасы бойынша су тасқынына қарсы іс-шаралар аясында біз өңірде бөгеттерді жөндеп жатырмыз. Байғанин ауданында «Ақтөбе-Астрахань» тас жолының бойында дренаждық арық құрылысы жүріп жатыр. Ол су тасқыны кезінде Қарауылкелді ауылын қарғын қорғайды деп сенемін. Біз жергілікті тұрғындардың өмірін жақсарту үшін қолдан келгеннің бәрін жасап жатырмыз», - деді облыс әкімі.

Облыс әкімімен кездесуде Қарауылкелді тұрғындары ауылдағы орталық көшенің жай-күйін айтты, жөндеу жұмыстары былтыр басталып, бірақ аяқталмаған.  

Асхат Шахаров тұрғындардың өтінішімен Қ.Жазықов көшесіне барып, мердігер компания өкілімен кездесті. Қазіргі уақытта көшеде жол жөнделуде. Облыс әкімі мердігерлерге жұмысты мерзімінде аяқтауды тапсырды.

Сондай-ақ, ауыл тұрғындары әкімнен теміржол вокзалдарын, орталық кітапхананы жөндеуді және теміржол көпірін салуды сұрады.

Өңір басшысы барлық мәселелер кезең-кезеңімен шешілетіндігін жеткізді.

Ақпарат көзі: ГУ «Акимат Актюбинской области»