Астана күні қарсаңында Байқоңыр ауданының Ж.Тәшенев көшесінде тағы бір қоғамдық кеңістік жайластырылды, деп хабарлайды елорда әкімдігінің ресми сайты.

Аталған қоғамдық кеңістікті кешенді абаттандыру – Тәуелсіздік даңғылынан Түркия елшілігіне дейін, сондай-ақ, Ж.Тәшенев көшесі мен Ж.Тәшенев тұйық көшелері аумағын қамтиды.

Аталған учаскеде 4000 шаршы метрден аса тозған асфальт жабынының орнына жаңа кеспе тастар төселді.

Сонымен қатар, 30 сыртқы жиһазы (қоқыс жәшіктері, орындықтар), 20-ға жуық жарықтандыру тірегі орнатылды. Сондай-ақ, жасыл желектер отырғызылды.Айта кетейік, Астана күніне орай Байқоңыр ауданында барлығы 20 аула, 3 қоғамдық кеңістік тұрғындар игілігіне беріледі. Ал жалпы жыл соңына дейін 117 (45 жаңа, 72 жөндеу-қалпына келтіру) аула аумағын абаттандыру жоспарланса, бүгінде оның 53-інде абаттандыру жұмыстары толығымен аяқталды.

7 қоғамдық кеңістіктің 3-еуі қала күні қарсаңында тұрғындар игілігіне тапсырылды.

Ақпарат көзі: ГУ «Аппарат акима города Астана»